I THESALONIKA 3:3 - Khumi Common Language Bible

³ Achi ly hinichi patang ai nai ang sa rym nai ne, nanai nangmychi kypkyp my pany u veng bo.

I THESALONIKA 3:3 ပူးပေါင်းရင်းမြစ်များ

JOBA 23:14

Mymy ly kai i vui khai pi nai katauchi sa pi takengkei ai; huni dawn tau nai ly nawi parai nai katauchi theung i harei ne.

SAM 112:6

Khumi kahawi ly mana khala py sum ai ny y; khumichi ly ni ai mana khala py tami ai ny y.

LUKA 21:12

Na i py huni atiti bawibawi tym y rai khala y nangchi ai ang patiu ai i, achura yhm y hawi, theaung y py ang hawi ai, kaimy i amyn deaungkho y samrangchi hawi miteaung kehchi i mo y ang hawi ai.

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 2:25

Naibaly Davida my ni i satang thui i, Kai i mo y Areng ai ly kaniu jojo; Kai amchyh y ai nai mymy ly kai i lamtang mang y awm:

AMTAW 21:11

Naibaly kaichi teng y jeu i Pawla i khobai la iy, mymy i kiu kheu akawm i, “Jerusalem y awm nai Judachi ly hinai kamta hini khobai keung ai kawm ai i, Cheng Takhrachi teng y au ai, nanai Phailo Kachai my hina nai thui bo,” napi.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

ROM AVANGCHI TENG Y PAWLA I CHA PA NAI 5:3

Naibaly huni khyh ny y naimy, achi i patang naira y py kawn u sina, patang naira my ly kham pajau naira sa;

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 4:9

Tameuh my kaichi amtaw thau naichi ai ly dei ai nai ang khai rym nai kamta ly kangkhym kangtem y ang khai nai kadawn nai bo; ati mana nai mo nabaly khaileaung pri hawi, kani pri i amtaw thau naichi hawi, khumichi i mei ka-niu y py khen nai kahawi ang sa nai bo he.

EPHESI 3:13

Hunaibaly nangchi i molam y kai i patang nairachi deaungkho y atho angai y nai awm y ai nai kang takeng, hunichi ly nangchi i tahm asang naira ne.

PHILIPI 1:28

huni ly mymychi i vui tama ai naira ne, nanai hawi, nangchi i vui naini heng ai naira ne, nanai py pany hai naira chai pyn nai ne lawh veng, huni py Tameuh teng i nai ne.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

I THESALONIKA 5:9

Tameuh my kado theu naira ny y naimy, achi i Areng Isu Krista i saho y paheng naira nga lawh ai nai achi ai ang khai rym nai teu;

II THESALONIKA 1:4

hunaibaly nangchi ai ana naira bawibawi y hawi, nangchi i tlang tleaung y ngari patang nai tym naira y ly nangchi i kham tanga nai sai hawi ym nai sai deaungkho y kaichi ly Tameuh i palau takhra kamkawmchi theung y ly nangchi ai kamlyh u reng nai ne.

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

I PETERA 2:21

Ati mana nai mo nabaly nangchi ai ly hinai kamta sa ai nai ang palau nai ne; Krista ly ang patang pi iy mymy i lawi y abang u ai nai khen pata naira ang daw pi nai chy bo.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.