I THESALONIKA 2:9 - Khumi Common Language Bible

⁹ Amjo amnauchi awi, kaichi i sa akawm nai sai hawi, khri pa-rei kalop sa nai sai ly nangchi ly pany jo mang; kaichi ly Tameuh i Satang Kahawi thui pi nai tarawi y nangmychi theung y ami ai py myn pho hai y ai nai vum kanithun kalop sa reng.

I THESALONIKA 2:9 ပူးပေါင်းရင်းမြစ်များ

2 ARENG KEH 6:2

Awmra yhm kangtha sa ai nai kaichi ly Jordan tavo peang y chei iy, dengkeaung paliu ai nai pei ba,” nanai hnei u. Elisa my, “Hawi mang,” napi.

NEHEMIA 5:15

Kai ny y rai khala i peang nai samrang i bangtang kalenchi ly mipuichi ai myn ji hai bo. Nichi teng i cha nei vawn hawi kreip hang i vui kanirei y tangka chang vui palyhrei hnei nai ne. Huni samrang i bangtang kalenchi i miseaungchi malawn py, mipuichi ai pahyp y naimy ana u bo. Na i py kai ly Tameuh ai jei kaji naimy tahm khai nai deaungkho y, huna nai kamta kaso y.

NEHEMIA 5:18

Huna nai kamta kapacho ai nai molam kani tlei tleirei si harei, khai patyp nai beram tariurei hawi a neangneang tleh hai bo. Huni bo y kani horei y tlenrei kreip hang kapanei; na i py kai ly mipuichi pho ai nai mynji, nanai kapany nai deaungkho y, samrang i bangtang kalen i vui nga ai avo nai cha nei vawnchi kahnei y nai ne.

SAM 32:4

Aw Areng, nang ly kai ai vum kanithun kamngo pajeng bo. Kanipui kabi saho y am-i nai ly phui rawm vui nai kamta, kai i atho py khei be veng bo.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

LEU KACHENG 31:18

Ni ly my i sa nai vawnsaichi ai vang teng nai sai pany i, kani dym pa-rei py kalop sa nai ne.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

AMTAW 18:3

Naibaly mymy i kalop sa nai sai vanrei ne nai deaungkho y myni teng y anga ryp i kalop sa hawi teang; myni i kalop ly kanih yhm sa ai nai kanih sa nai ne.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 20:31

Hunai deaungkho y atyp u, saneng thomrei sala y vum kanithun kai meikatui tla nai tarawi y anawn y naimy khumi leaung leaungrei ai kang pachei nai ly pany u jo ba.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.

I KORINTH 4:12

Kaichi ly amy i kiu y sa nai khri pa-rei akawm; amichi mo ang jo iy kaichi ly amtheaung hai; amichi my ana iy kaichi ly kham tanga;

I KORINTH 9:15

Na i py kai ly hunichi ha py teaung y leang; naibaly kai i tlang tleaung y hunai kamta sa u ai nai hini leu ly katajiu nai ny y leang; ami py kai i palo nai sai ly ati sai py ny y nai sa nai tleaung y ly dei i khyly kai i vui y hawi keh alam ai.

I KORINTH 9:18

Tumbaly kai i kawn nai vang ly ati mo? Satang Kahawi y kai i aly peang naira angym pa-rei teaung y i, kai ly Satang Kahawi kathui pi iy vang ngo y naimy Satang Kahawi i kalop kasa pajau nai ne.

I KORINTH 9:4

Kaichi ly cha ai nai hawi nei ai nai hawi aly peang y lawh a?

II KORINTH 11:27

sa akawm nai hawi myn kaji pho naira y py, i thai y nai tlen neangneangra y py, kajeu alam nai hawi tui ahai naira y py, tlen neangneang biu hai naira y py, tlang ka-keu awm nai padeng naira y py kaawm.

II KORINTH 11:9

Naibaly nangchi teng y kang awm nai kai avaw nai khala y py, ami ai py myn kaji kapatei vai y; Makedonia pri i dengdairei jeu nai amjo amnauchi ly kai i avaw nai ly ang sabawm bo; kai ly ati cheaungkhangra y nangmychi ai myn ji kapatei y naimy ka-typ bo, naibaly kai ly hunai kamta ka-typ jojo ai.

II KORINTH 6:5

kamnga awm naira y py, amcheng naira y py, pakhau naira y py, theaung y tla naira y py, khrukhra naira y py, sa akawm naira y py, i thai y naira y py, biu hai naira y py,

PHILIPI 4:16

Thesalonika avang y kaawm nai thym khala y py kai i avaw nai sabawm ai nai tlenrei khyh ny y i, nangchi ly tlen nyhrei pa u bo.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 2:2

Ne, nangchi my pany u chum nai kamta ly kaichi ly Philipi avang y ngari patang nai hawi angji ngailai parai pa-rei ang sa iy py, kaichi ly achi i Tameuh y ly khri pa-rei vam iy khrukhrala nai tarawi y py nangchi teng y Tameuh i Satang Kahawi kang thui pi bo.

I THESALONIKA 2:6

naibaly kaichi ly Krista i amtaw thau nai ne nai deaungkho y nangchi ai myn pho hai ai nai avo y i py, nangchi teng y py kalangchi teng y py palo naira kang hau y leang bo.

I THESALONIKA 3:10

Kaichi ly nangchi i meimai niu thai ai nai hawi, nangchi i ym naira mang y avaw nai angym hai thai ai nai py, vum kanithun y khri pa-rei chiu kasa reng.

I TIMOTHEI 1:11

naibaly palo ai ataing nai Tameuh i nang parai nai sai pany hai nai kai teng y kry hai nai Satang Kahawi i patiu nai kamta ny y nai atiti takhrachi i vui py sa nai ne, nanai pany thai pajau.

I TIMOTHEI 4:10

Hunaibaly achi ly Tameuh kangheng ai athang khai nai deaungkho y, achi ly sa akawm nai hawi kamjau ryrei atiti sa nai ne; mymy ly khumi bawibawichi i vui Paheng nai Keung ne, ni ai ym nai keungchi i vui ne kehkeh.

I TIMOTHEI 5:5

Naibaly neampachy lumai cheaungti mymy tlairei chy awm khyh nai ly Tameuh ai khri pa-rei athang khai i, vum kanithun hnei iy, chiu py sa jojo ;

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.