I THESALONIKA 2:5 - Khumi Common Language Bible

⁵ Naibaly nangchi my pany u chum nai kamta ly kaichi ly palo hawp nai leu mo, heu nai paleung ano naira mo tlen py teaung vai y; Tameuh my pany hai nai keung lawn bo;

I THESALONIKA 2:5 ပူးပေါင်းရင်းမြစ်များ

JOBA 16:19

Kai mang y asa hai naimy angdo hai kalingie iy, pany hai nai keung ly kani pri mang y awm.

JOBA 17:5

Khumi ly paisa tangka molam y ahawi kamrawichi i tlang tleaung y tapawp reng i, ni i cho chanauchi ly patang naira avum u nai ne,” nanai thui achi nai leu awm.

LEU KACHENG 20:19

Ka-preaung leu katheu reng nai khumi ly amkyn ai avo nai leuchi mana khala py am-yh pajau y. Huna nai y khri pa-rei leu peung nai khumichi teng i nai asyn vui ba.

LEU KACHENG 26:28

Niu ngai y nai paleung awm nai khumi naini, khumi takhra i tlang tleaung y hawi y naira tym hai ai nai katapawp paleung awm pajau. Katau hawi y nai khumi i leu ly phra naira naini sa reng nai ne.

LEU KACHENG 28:23

Thui parip reng nai khumi ly kanirei nai khala, palo hawp nai leu thui reng nai khumi tleaung y, kawn nai leu thui nai avum ai.

ISAIA 30:10

Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

ISAIA 56:11

Nichi ly cha nai paleung anyp pajau y, ngai ala nai uichi hawi atawm. Nichi ly ati sai py ka-dawn by y nai lu sa naichi ne. Mychi kangai sa akyhkyh iy, amy i vui y kamran hau u khyh naichi ne.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

AMTAW 20:33

Ami i muku tangka mo ateaung mo kai paleung no y leang bo.

ROM AVANGCHI TENG Y PAWLA I CHA PA NAI 1:9

Naibaly kai ly kai i chiu sa naira y ly anawn y naimy nangchi i amyn katabawi jojo;

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

ROM AVANGCHI TENG Y PAWLA I CHA PA NAI 9:1

Krista y ly leu meitang khypkhyp kathui nai ne, ka-chawi kathui y leang;

II KORINTH 12:17

Nangchi teng y kang pato naichi theung y ly ami ai mo leaungrei teaung iy kai ly nangchi teng y kamran nga lawh a?

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 7:2

Nangchi i paleung y kaichi ai meingtym angheng pi u; kaichi ly ami i tlang tleaung y py hawi y nai so y, ami ai py taphra y, ami ai py tapawp y leang.

KALATIA 1:20

Khen u cham teu, nangchi teng y kai i leu tajiu naichi ly Tameuh i mei ka-niu y py ka-chawi ny y leang mang.

I THESALONIKA 2:10

Nangchi ym nai khumichi i tlang tleaung y kaichi ly chai parai nai hawi, hawi parai nai hawi, cheh ai by y nai pa-rei awm nai sai ly nangchi hawi Tameuh py pany hai nai keung ne;

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

I TIMOTHEI 3:8

Hunai kamta teang dikonchi ly tahm khai ai nai khumi awm ai nai tla, achang palai kamta hawi kreip athai hang ha nai khumi ny y i, kamran hau reng nai khumi py ne moh sy;

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.