I THESALONIKA 2:4 - Khumi Common Language Bible

⁴ na i py Tameuh my kaichi ai avo, napi iy Satang Kahawi ang kry hai nai kamta khyp my khumi ai kawn hai nai kamta ny y naimy, achi i paleung ai ang cham nai keung Tameuh ai kawn hai nai leu thui nai teu.

I THESALONIKA 2:4 ပူးပေါင်းရင်းမြစ်များ

1 ARENG KEH 8:39

nichi i chiu sa nai ly tangai pi kyh ba. Nang i khumichi ly amsi pajochi teng y pei ai nai pri y awm nai ryrei, nangmy ai jei kaji ai nai nichi i chiu sa nai tangai pi kyh ba.

2 ARENG KEH 16:16

Uriah ly samrang i leu pei nai kamta sa khyp nai ne.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

SAM 139:23

Aw Tameuh, kai ai cham iy, kai i paleung ai pany ba; kai ai cham ly kai i dawn naichi ai pany ba.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 44:21

meitang khyp, nangmy pany ai nai ne. Ati mana nai mo nabaly, nang ly khumichi i dawn paviu nai katauchi pany nai deaungkho y ne.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

LEU KACHENG 17:3

Muku hawi tangka ai mai hawi cham; khumi i paleung ai ly Areng my cham nai ne.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

Kati Nai 27:16

“Hengra pei keung Areng Tameuh awi, nang i khumichi ly beram typ keung by y nai beramchi kamta, lu sa pi nai keung by y nai khumichi lawm y naimy, nichi ai lu sa iy,

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

LUKA 16:11

Yhmtheaung hawi y naira y malawn py ka-ym by y baly, yhmtheaung kahawi ly ami my ang au ai mo?

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

ROM AVANGCHI TENG Y PAWLA I CHA PA NAI 8:27

naibaly mymy ly Tameuh i ngai nai kamta khumi kaichai ai ly chiu ang sa pi reng nai deaungkho y, paleung y khen patawm nai keung ly Phailo i kangai pany nai ne.

I KORINTH 7:25

Naibaly anglo kachai molam leu ly kai ly Areng i leu pei nai by y leang; na i py ka-ym awm naimy awm ai nai Areng teng i dengdairei tamen naira kanga nai deaungkho y kai i dawn nai sai kang thui pi ai.

I KORINTH 9:17

Huni ly amymy ngaingai kasa baly kai ly kawn nai vang awm; na i py amymy ngaingai sa nai ny y i py, atiti kry ai nai kalop ly ang au veng bo.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

KALATIA 2:7

Huna nai tleaung y ly Petera ai lengkhym takip naichi teng y Satang Kahawi thui pi ai nai au nai kamta ly, lengkhym takip y naichi teng y Satang Kahawi thui pi ai nai ly kai teng y au veng bo.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

EPHESI 6:6

khumi ai kawn hai atyhtyh nai kamta salo y khumichi i mei ka-niu y sa nai ny y naimy, Krista i miseaung kamta paleung theung i nai Tameuh i kangai sa u iy,

KOLOSA 3:22

Miseaungchi awi, tlang y nangchi i yhmkeungchi i leu ly ati cheaungkhangra y tangai u; khumichi ai kawn hai rumrang nai keungchi i kamta ly mo y so khyh y naimy paleung harei dawn khyh, Areng ai tahm khai nai tarawi y tangai u.

I TIMOTHEI 6:20

Aw Timothei awi, nang teng y ang au nai ly hawihai palai kry: Tameuh ai tahm khai y nai leu thui rumrang nai hawi, “pany naira” nanai pathi atyhtyh nai aei naira ai ly hi vui;

II TIMOTHEI 1:14

Nang teng y atiti kahawi ang kry hai nai ly achi i paleung theung y awm nai Phailo kachai i saho y hawihai kry ba.

II TIMOTHEI 2:2

Naibaly pany nai keung neangneangchi i mo y kai labeaung i leu atiti nang thai nai ly ka-ym awm nai khumi, khumi takhrachi ai patiu pateang pajau ai naichi teng y au.

TITA 1:3

naibaly neng angym khyp nai khala y achi ai Paheng nai Keung Tameuh i leu pei nai kamta ly kai teng y ang au nai i saho y mymy i leu amteng hai bo;

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.