I THESALONIKA 2:2 - Khumi Common Language Bible

² Ne, nangchi my pany u chum nai kamta ly kaichi ly Philipi avang y ngari patang nai hawi angji ngailai parai pa-rei ang sa iy py, kaichi ly achi i Tameuh y ly khri pa-rei vam iy khrukhrala nai tarawi y py nangchi teng y Tameuh i Satang Kahawi kang thui pi bo.

I THESALONIKA 2:2 ပူးပေါင်းရင်းမြစ်များ

AMTAW 14:3

Hunai deaungkho y nini ly Areng y ly vam parai naimy leu thui i, hu y ly awm kra kyh, mymy ly ka-ma-ra hawi, rengrangchi py mymychi i kiu y sa hai iy, mymy i pahenra leu pany hai.

AMTAW 14:5

Naibaly Cheng Takhrachi hawi Judachi ly mymychi i miteaung kehchi hawi nini ai khri pa-rei kangji khai nai sa nai hawi, lengseaung y aphi ai tau nai thym khala y ly nini ly pany i,

AMTAW 16:12

naibaly hu i dengdairei ly Philipi avang y chei: huni ly Makedonia pri i avang harei nai ne, huni ka-peang y ly avang aly len keh nai ne, Rom avangchi i angpyn nai avang ne; kaichi ly huni avang y ni awm nai kani kra kyh.

AMTAW 16:19

Naibaly yhmkeungchi ly mychi i kamran nga naira tama vui bo, nanai pany i, Pawla nini Sila ai patiu iy miteaung kehchi i mo y seng meingtym y ryh bo.

AMTAW 16:37

Na i py Pawla my nichi teng y, “Kaini ly Rom khumi nai iy, sum y naimy kaini ai khumi humchi i mei ka-niu y ang pakhau nai, theaung y ang khai lawh nai iy, vai ly kangviu y pathau ai nai tau u lawh a? Ny y leang; mymychi kypkyp my jeu u sy ly, kaini ai patheu u sy,” napi.

AMTAW 17:1

Naibaly nichi ly Amphipoli avang hawi Apolonia avang y tako prei i, Thesalonika avang y tym bo, hu y ly Judachi i achura yhm awm;

AMTAW 17:17

Hunaibaly achura yhm y Judachi hawi, Tameuh ai tahm khai naichi hawi, seng meingtym y mymy hawi kani tleirei achu nai ngiereichi ai py ka-thui thui pi.

AMTAW 19:8

Naibaly ni ly achura yhm y kun reng i, Tameuh i peang nai satang ka-thui thui pi nai hawi, parawi tanga nai hawi lo thom ryrei vam parai pa-rei leu thui.

AMTAW 4:13

Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

AMTAW 4:20

Kaini ly kaini i atiti niu nai hawi pany naichi ly thui y naimy awm pajau y leang,” napi.

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

II KORINTH 3:12

Hunaibaly kaichi ly hunai kamta athang khai naira awm nai deaungkho y kaichi ly vam parai pa-rei leu thui pi nai ne;

KOLOSA 2:1

Kai ly nangmychi hawi, Leiodikeia avang y awm naichi hawi, tlang y kai meimai niu y nai ngiereichi i vui py mana tanrei ty na pa-rei kasa pi tanga mo, nanai nangchi pany ai nai kangai;

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

JUDA 1:3

Ngai parai naichi awi, achi ai paheng ahum nai satang ly nangchi teng y tajiu ai katau tanga nai thym khala y, khumi kachaichi teng y tlenrei au nai ym naira mang y atho sa patyp ai nai, nangchi ai pachei ai nai cha kang tajiu hai ai nai aly aeang, nanai kapany bo.