I THESALONIKA 2:13 - Khumi Common Language Bible

¹³ Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

I THESALONIKA 2:13 ပူးပေါင်းရင်းမြစ်များ

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

HAKAI 1:12

Naibaly Shaltiel i chapo Zerubabela, pathyp pi nai keung kalen keh Jehizada i chapo Josua hawi Babulon pri y pri pala naira i vawi teang nai mipui bawibawichi ly mychi i Areng Tameuh my leu pei nai kamta sa u bo. Nichi ly jei hyn nai deaungkho y, Areng my pato nai amo Hakai i thui nai leu tangai u bo.

MATTHAI 10:20

Thui ai nai keung ly nangchi ny y leang, Ngampo i Phailo my nangchi ai ang thui hai ai nai teu.

MATTHAI 10:40

“Ami py nangchi ai ang kawn baly kai ai kawn nai bo, ami py kai ai kawn nai ly kai ai pato nai keung ai kawn nai bo.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

LUKA 5:1

Naibaly hina nai ne, khumi mipuichi ly Tameuh i leu tangai ai nai mymy ai i meimeaung nai khala y ni ly Kenneseret ang peang y angdo nai ne;

LUKA 8:11

Pata nai leu ly hini ne: Choh ti ly Tameuh i leu ne.

LUKA 8:21

Naibaly mymy ly nichi teng y, “Tameuh i leu thai iy patawm naichi ly kai i amhm hawi kai i amjo amnau na a,” nanai pathang.

JOHAN 15:3

Kai i nangchi teng y leu thui nai deaungkho y nangchi chai ryp bo.

JOHAN 17:17

Nichi ai leu meitang y khai takhra ba, nang i leu ly leu meitang ne.

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

AMTAW 10:33

Hunai deaungkho y nang teng y khumi kang pato praw nai na a; nang jeu nai deaungkho y avo parai. Hunaibaly Areng my nang teng y leu ang pei nai ngierei pany ai nai, vai Tameuh i mei ka-niu y kaichi bawibawi hi y awm nai bo,’ napi.

AMTAW 13:48

Naibaly Cheng Takhrachi ly huna nai thai iy kawn i Tameuh i leu ai palo, naibaly deungtasarei hengra nga ai nai khai takhra nai ngiereichi my ly ym bo.

AMTAW 16:14

Naibaly amyn Ludia, kanih kamsen jeaung jo nai keung, Thuatira avang i khumi, neampachy leaungrei ly kaichi i leu thui nai ly tangai bo, naibaly ni ai ly Pawla i leu thui nai patawm ai nai Areng my mymy i paleung paeaung bo.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 8:14

Naibaly Jerusalem y awm nai amtaw thau naichi ly Samari i awm naichi Tameuh i leu tangai bo, nanai thai i, mymychi teng y Petera nini Johan ai pato;

ROM AVANGCHI TENG Y PAWLA I CHA PA NAI 10:17

Hunaibaly ym naira ly thai naira deaungkho y awm, naibaly thai naira ly Krista i leu deaungkho y awm,

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

KALATIA 4:14

Naibaly kai i tlang y nangchi i vui parawi naira awm nai ly nangchi ly tahm py panem u y, paso py paso u y; na i py nangchi ly kai ai Tameuh i kani pri i amtaw thau nai kamta hawi, Krista Isu ai kamta tanrei kawn u lawh nai ly.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

I PETERA 1:23

ti phra thai nai ny y naimy, Tameuh i heng jojo nai hawi awm jojo nai leu y ly ti phra thai y naira y kangtha tapen nai lawn u bo.

I PETERA 1:25

Areng i leu naini deungtasarei awm jo nai ne,” Naibaly nangchi teng y Satang Kahawi ang thui pi nai leu ly huni ne.

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

II PETERA 3:2

huni nyhrei ra y ly nangchi ai adawn hai vau iy nangchi i paleung kachai amcheng hai nai ne.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.