I THESALONIKA 1:8 - Khumi Common Language Bible

⁸ Ati mana nai mo nabaly Areng i leu ly nangmychi i dengdairei amthang veng bo i, Makedonia hawi Akaia pri y khyh ny y naimy, meingtym tleirei y py nangchi i Tameuh ai ym u nai sai ly amthang veng bo; hunaibaly kaichi my ati sai py thui ai nai aly ngai y leang bo.

I THESALONIKA 1:8 ပူးပေါင်းရင်းမြစ်များ

THEU NAI 18:9

Jethro ly Israela chengchi ai Aikupta chengchi kiu i nai Areng my atleu pi nai satang thai baly khri pa-rei amo theu nai ne.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 66:19

pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.

AMTAW 18:12

Na i py kaliona, Akaia pri y samrang i jeng y awm nai thym khala y Judachi my Pawla ai ly ni akrai krup i, tara chih nai atehra mo y pahawi iy,

ROM AVANGCHI TENG Y PAWLA I CHA PA NAI 1:8

Nangchi i ym naira ly khaileaung pri verei y amthang nai deaungkho y kai ly nangchi bawibawi i tlang tleaung y Isu Krista i saho y kai i Tameuh teng y kawn nai leu kathui manme nai ne.

ROM AVANGCHI TENG Y PAWLA I CHA PA NAI 15:26

Ati mana nai mo nabaly Makedonia hawi Akaia pri i khumichi ly paleung hawi parai naimy Jerusalem avang i khumi kachaichi theung y kamawnchi i vui y acheaung pi veng bo.

ROM AVANGCHI TENG Y PAWLA I CHA PA NAI 16:19

Nangchi i leu tangai nai sai ly khumi bawibawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly atiti kahawi mang y ly cheng u iy, kamngo mang y ly cheng u y ai nai kang ngai.

I KORINTH 14:36

Mana! Tameuh i leu ly nangmychi teng i theu nai a? Ti y baly nangmychi teng y harei tym nai khyh a?

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 3:4

Naibaly kaichi ly Krista i saho y Tameuh mang y hunai kamta ym naira awm:

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

II THESALONIKA 1:4

hunaibaly nangchi ai ana naira bawibawi y hawi, nangchi i tlang tleaung y ngari patang nai tym naira y ly nangchi i kham tanga nai sai hawi ym nai sai deaungkho y kaichi ly Tameuh i palau takhra kamkawmchi theung y ly nangchi ai kamlyh u reng nai ne.

II THESALONIKA 3:1

Kangkhym i naira y ly amjo amnauchi awi, Areng i leu ly nangmychi theung y awm khyp nai kamta ly peung praw iy, palo naimy awm thai ai nai hawi,

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.

II TIMOTHEI 2:9

kai ly huni Satang Kahawi deaungkho y atiti hawi y sa nai keung kamta kawm ai ka-lawn pa-rei patang naira kakham nai ne; na i py Tameuh i leu ly kawm nai ny y leang.

III JOHAN 1:12

Demetria ly khumi bawibawi hawi, leu meitang khyp nai i palo naira nga bo; kaichi py palo bo; naibaly kaichi i palo nai ly teng, nanai nang ly pany mang.

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.