I THESALONIKA 1:5 - Khumi Common Language Bible

⁵ huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I THESALONIKA 1:5 ပူးပေါင်းရင်းမြစ်များ

ISAIA 55:11

Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

MARKA 16:20

Hunaibaly nichi ly theu u iy, meingtym tleirei y leu thui; Areng my ly nichi ai sa hai iy, ka-ma-rachi tym hai nai deaungkho y leu ai ly khaw hai jojo. Amen.

LUKA 1:1

Huni achi theung y atiti tym angym nai satang, angchei i dengdairei niu naichi my achi ai thui pi nai ka-tawm khumi neangneangchi my tajiu ai nai tau bo;

AMTAW 11:21

Naibaly Areng i kiu my mymychi ai sabawm i, khumi neangneang ym iy Areng mang y hi lengleang.

AMTAW 16:14

Naibaly amyn Ludia, kanih kamsen jeaung jo nai keung, Thuatira avang i khumi, neampachy leaungrei ly kaichi i leu thui nai ly tangai bo, naibaly ni ai ly Pawla i leu thui nai patawm ai nai Areng my mymy i paleung paeaung bo.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

I KORINTH 1:24

Cheng Takhrachi i vui ly pathu naira ne teang; na i py Judachi py ne sy, Krikchi py ne sy, palau naichi i vui ly Krista, Tameuh i atiti sa thai naira hawi Tameuh i cheng naira py ne.

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 3:6

Kaimy ui iy Apolo my ly tui lei hai, na i py Tameuh my veang hai nai ne.

I KORINTH 4:20

Ati mana nai mo nabaly Tameuh i pri ly leu y ny y naimy, sa thai naira y awm nai teu.

I KORINTH 9:14

Hunai kamta khyp pa-rei Areng my ly, “Satang Kahawi thui pi nai keungchi ly Satang Kahawi i saho y mymychi i cha nei naira nga ai nai khai pi rym nai ne.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

KALATIA 2:2

Naibaly amteng hai naira deaungkho y kachei i, Cheng Takhrachi theung y Satang Kahawi ka-eu hai reng nai ly mymychi ai kathuipi; na i py khumi kalenchi ai ly mymychi my tlairei kathuipi takhra bo, ti y baly vai i nai py jangni i py jawm my kangpreang atyhtyh nai ne lawh na.

KALATIA 5:5

Achi ly Phailo i saho y ym naira deaungkho y hawi naira i athang khai naira ajeng nai ne.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

PHILIPI 4:9

Kaimy y nangchi i atiti amtiu nai hawi, tangai nai hawi, thai nai hawi niu nai py hunichi kamta so u; hunaibaly awmnem nai Tameuh my ly nangchi ai ang awm hai ai mang.

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

II TIMOTHEI 2:8

Kai i Satang Kahawi leu thui nai kamta, Davida i kangpreang i nai theu nai, kadeich theung i dengdairei angthau bi nai Isu Krista ai ly pany jo;

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 6:11

Na i py nangchi leaung leaungrei ly tem pa-rei athang khai naira kangym nga thai ai nai, hunai kamta atho sa nai sai amteng hai jojo ai nai kaichi ly khrikhri pa-rei kang ngai hai;

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I PETERA 5:3

nangchi teng y au naichi i tlang tleaung y atho sa nai kamta ny y naimy, beram kanghu i vui y amtiu naira apalawn u.

II PETERA 1:10

Hunai deeaungkho y amjo amnauchi awi, ang palau nai hawi ang vawi takhra nai ly khaw hai ai nai atho angjeng nai tleaung y angjeng ra nai pathau u; nangchi ly huni atitichi sa baly mana khala y py atlym u y ai:

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai: