I PETERA 5:8 - Khumi Common Language Bible

⁸ Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

I PETERA 5:8 ပူးပေါင်းရင်းမြစ်များ

ESTHER 7:6

Esther my, “Kaichi i paleung ka-e, kaichi ai ana piupa nai keung khumi hawi y nai ly hini Haman ne!” nanai pathang.

JOBA 2:2

Ni ai Areng my, “Nang ly ma mang i jeu nai mo?” nanai deng. Setan my, “Kai ly khaileaung pri y aki aleaung nai ne,” nanai pathang.

SAM 104:21

Khrangsi tanglochi ly teicha hau nai thym khala y hang u; nichi ly Tameuh my khai pi nai teichachi hau u.

SAM 109:6

Kai i paleung ka-echi ai tara chih ai nai, un cha nai tara chih keung ai, khai takhra pi kyh ba; ni i paleung ka-e leaungrei my, ni ai seu hai ba.

LEU KACHENG 19:12

Samrang i kado theu nai ly khrangsi i hang nai hawi atawm. Na i py ni i mo y meimai nga nai ly aly ngai nai neng khala nai pi nai kanitui hawi atawm nai ne.

LEU KACHENG 20:2

Kado theu nai samrang ai ly hang hai nai khrangsi ai jei nai kamta jei hyn ba. Ni i kado theu ai nai kachyh reng nai khumi ly amymy ai apadei ai hau nai khumi ne.

LEU KACHENG 28:15

Khumi kamawnchi ly hawi y nai samrang peang nai khala ly kajeaung kamang naira avum ai. Hawi y nai samrang ly hang hai nai khrangsi, ti y baly teicha tlai ai nai amki ryry nai tavym kamta, jei ai hawi parai nai ne.

ISAIA 50:8

Tameuh ly kai i sahawi y awm iy, kai teng y kamngo by y nai sai ka-ma-ra patei pi ai nai deaungkho y, kai ly tahm anem ai ny y, nanai pany. Kai ai neng hai vam nai khumi leaungrei awm lawh baly, jeung y chei u sina! Huni khumi ly my i neng hai nai sai syn ryp sy!

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 51:38

Babulon chengchi ly khrangsichi kamta hang u; khrangsi chochi kamta a-u nai ne.

Ezekiela 19:7

Ni ly amtangrachi panawi iy marychi taphra bo. Ni my hang nai tleirei y khumi mipuichi ly jei hyn naimy kaso theu u nai ne.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

HOSEA 11:10

“Khrangsi i hang nai kamta kai ly paleung ka-echi ai hang hai nai khala y, kai i khumichi ly kai nithun abang u ai. Nichi ly nidym ngan mang dengdairei, kai teng y jeu u kaliki ai.

HOSEA 13:8

Cho tama nai tavym kamta, nangchi ai kang be puipa ai. Khrangsi kamta avum nai meingtym y kei iy, daichi mawi kasi kamta theng piupa ai.

JOELA 3:16

Areng ly Zion mawi salo y aeu bo. Jerusalem mary i dengdairei aeu. Khaileaung hawi kani khusang py amchyh u bo. Na i py mymy ly mymy i khumichi ai ama hai ai.

AMOS 1:2

Amo my, “Zion mawi dengdairei Areng i aeu nai raawi thai bo; Jerusalem mary theung i dengdairei, kani pajyh nai katyn thai hai bo. Beram sui tlai nairachi ly jeirawm be bo i, Karamela mawi i achachi ly jei nawm veng bo,” nanai thui.

AMOS 3:4

Khrangsi ly teicha niu y pui naimy, daichi theung y hang atyhtyh na a? Khrangsi cho ly ati sai py kei ai ngo y pui naimy, my i tapiu theung y hawn so atyhtyh na a?

AMOS 3:8

Khrangsi hang baly ami py jei y nai awm pajau ai mo? Sa thai naira angym nai Areng my leu pei baly ami mo py, leu pei nai ai aeu y nai awm pajau na a?

ZEKHARIAH 11:3

Samrangchi ly paleung si naimy vo u; nichi i phum-ang ly tama veng bo! Khrangsichi i hang nai katyn tangai u; nichi aeung nai Jordan tavo leaunghawira i thengreung py phra veng bo!

ZEKHARIAH 3:1

Areng i kani pri amtaw thau nai mo y pathyp pi nai keung kalen keh Josua angdo nai ai, takhra paleung mei niu naira y Areng my patei pi bo. Naibaly Josua i sahawi y setanangdo. Ni ly Josua ai thui tamawn ai nai angvei yb bo.

MATTHAI 13:39

hei nai paleung ka-e ly diabola ne; choh tyn nai ly khaileaung pri tem ai nai neng ne; choh tyn nai keungchi ly kani pri i amtaw thau naichi ne.

MATTHAI 24:42

Hunaibaly ajeng u rym paryp, nangchi i Areng ly mani kani y jeu ai mo, nanai nangchi pany y.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 4:1

Hunai pajau khala y Phailo ly Isu ai diabola my prawi ai nai daichi ka-vym y pahawi bo.

MATTHAI 4:11

Huni bo y ly diabola ly mymy ai khai su bo. Naibaly khen cham, kani pri i amtaw thau naichi ly jeu u iy Isu ai kry u bo.

MARKA 4:15

Naibaly lam teng y leu hei nai ly hinichi ne he: nichi ly thai bo nabaly Setan ly jeu praw i nichi i paleung y leu hei nai ly la pi praw ryp veng.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

LUKA 22:31

“Simon, Simon, khen cham, setan my choh alai nai kamta alai thai ai nai nangchi ai ang hnei na a;

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

II KORINTH 2:11

ti y baly Setan my achi ai kalym vui lawh na; achi ly mymy i sa ai tau nai sai ly pany y nai ny y leang.

EPHESI 4:27

diabola ai ly meingtym aheng pi u moh.

EPHESI 6:11

Diabola i parawi paryp naira y ly nangchi angdo u pajau ai nai, Tameuh i tavai ateaung kangym amthyp u.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

I TIMOTHEI 2:9

Hunai kamta teang neampachychi ly sam khui nai mo, muku mo, khawisalen lengseaung mo, vang ka-teng ny y nai ateaung mo amthyp y naimy, jei kaji nai hawi amkym nai tarawi y avo nai ateaung amthyp i khyly kangai:

I TIMOTHEI 3:11

Hunai kamta teang neampachychi py tahm khai ai nai khumi ne ai nai tla; seu rumrang nai khumi ny y naimy, amkym thai nai khumi hawi atiti cheaungkhangra y ka-ym awm nai khumi ne ai nai tla.

I TIMOTHEI 3:2

Hunaibaly palau takhra kamkawm peang nai keung my ly cheh naira by y nai, aju harei awm khyh nai, amkym thai nai, paleung kateng, khumi kahawi, angvyn angvo hawihai nai,

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

TITA 1:8

Huna ny y naimy ni ly angvynchi ai kawn reng nai hawi, atiti kahawi ngai parai nai hawi, amkym thai nai hawi, paleung kahawi hawi, khumi kachai hawi, amy i ngai nai sai apeang nai khumi py ne lawh ai nai tla;

TITA 2:12

Hunaibaly achi ly achi i athang khai naira kawn awm parai nai ajeng naimy (huni ly achi i Tameuh tahm asang keh nai hawi achi ai Paheng keung Isu Krista i nang parai naira amteng nai ly), Tameuh ai dawndan y nai sai hawi, khaileaung pri i ngai phi teng y naira py anawn vui iy,

TITA 2:2

neampacho miteaungchi ly amkym ai nai hawi, tahm awm ai nai hawi, paleung kateng awm ai nai hawi, ym naira y hawi, tamen naira y hawi, kham pajau naira y hawi kateng awm ai nai py pachei:

TITA 2:4

hunaibaly Tameuh i leu ai ly thui tamawn naira by y ai nai, anglochi ai ly mymychi i juvochi ai tamen ai nai hawi, mymychi i chanauchi ai tamen ai nai hawi, paleung hawi parai naimy awm ai nai hawi, chai parai naimy awm ai nai hawi,

TITA 2:6

Hunai kamta khyp naimy, thawndeaungchi ai py paleung kateng awm ai nai pachei.

JAKOB 4:7

Hunaibaly Tameuh i kangai awm u; na i py diabola ai ly paka u, hunaibaly ni ly angpreng veng ai mang.

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

AMTENG HAI NAI 12:10

Naibaly kani pri mang y ly tao pajeng parai naimy, “Vai ly kaichi i Tameuh i atleu naira hawi, sa thai naira hawi, peang naira hawi mymy i Krista i aly peang naira py tym bo; kaichi i amjo amnauchi ai seu nai keung, kaichi i Tameuh i mo y ly vum kanithun seu jojo nai keung ai ly aphi kathiu vui bo.

AMTENG HAI NAI 12:12

Hunai deaungkho y kawn u, kani hawi hunira y awm naichi awi! Diabola ly mymy i neng maidenrei chy awm, nanai pany iy khri pa-rei kado theu naimy nangni teng y satla nai deaungkho y, khaileaung pri hawi pangli py taham si!” napi nai kathai.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.

AMTENG HAI NAI 20:2

naibaly mymy ly huni naka, jangni jangkhawn kha i awm nai pavui, Diabola hawi Setan napi nai ai patiu i, saneng sangrei i vui y kawm bo:

TARA CHIH NAI KEUNGCHI 14:5

Hunaibaly Samson ly amhm ampo hawi vanrei, Timnah mary y chei u bo. Nichi ly kreip akhochi tako prei nai thym khala, Samson ly khrangsi kataichy hang nai thai.