I PETERA 2:19 - Khumi Common Language Bible

¹⁹ Ami my Tameuh ai dawn nai deaungkho y patang ai nai avo y naira y paleung mawn nai patang tanga baly, huni ly kawn ai nai awm lawh veng.

I PETERA 2:19 ပူးပေါင်းရင်းမြစ်များ

JOBA 21:27

Nangchi paleung angai y nai katauchi kai pany.

SAM 119:86

Reita leu pei nai ngiereichi ly ym ai nai hawi parai; khumichi ly ka-chawi thui naimy kai ai ana u bo, kai ai sabawm kyh ba!

SAM 35:19

Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.

SAM 38:19

Kai i paleung ka-echi ly noso keaungno by y; atyhtyh naimy kai ai niu ngai y nai khumichi ly nawi parai.

SAM 69:4

Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

LUKA 6:32

“Naibaly nangchi ai tamen nai keungchi ai harei tamen u khyh baly kawn naira ati nga u ai mo? Khumi kamngochi py mymychi ai tamen nai keungchi ai ly tamen teang na a.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

ROM AVANGCHI TENG Y PAWLA I CHA PA NAI 13:5

Hunai deaungkho y kado theu naira y jei nai khyh ny y naimy, nang i paleung y hawi nai hawi y nai pany naira deaungkho y mymy i ngaingai awm ai tla nai ne.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II KORINTH 8:1

Naibaly amjo amnauchi awi, Makedonia pri i palau takhra kamkawmchi theung y Tameuh i pahenra pei nai ly nangchi ai kang pany hai ai;

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 10:2

Hunai ne mo khyly chiu nai keungchi ly huni tlenrei ra y my chai nai awm iy, kamngo nairachi apany naira by y nai deaungkho y, talam nai ly anawn vui y ai a?

I PETERA 2:20

Nangchi ly kamngo sa iy ang tabeang nai khala kham tanga baly ati palo naira awm mo? Na i py nangchi ly kahawi sa nai patang iy kham tanga baly Tameuh i ka-kawn ne.

I PETERA 4:15

Na i py nangchi theung i ami py kasi nga nai keung mo, paviu nai khumi mo, hawi y sa nai khumi mo, khumi takhrachi i atiti sa naira y pacheang rumrang nai keung ne nai deaungkho y mo patang moh sy;