I KORINTH 9:16 - Khumi Common Language Bible

¹⁶ Satang Kahawi thui pi i py kapalo naira ha py by y; kai i tlang tleaung y aly aeang nai amtei bo; Satang Kahawi kathui pi y baly kai ly sum ryp bo.

I KORINTH 9:16 ပူးပေါင်းရင်းမြစ်များ

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

JEREMIA 1:17

Nang ly vam parai naimy chei iy, huni khumichi teng y kai i thui pi nai ngiereichi thui pi. Nichi ai jei moh; nang ly nichi ai jei lawh teu baly, kai ly nang ai nichi i mo y jei hai ra ai.

JEREMIA 20:7

Aw Areng, nang ly kai ai tapawp hyp nai deaungkho y, kai ly tapawp naira avum bo. Nang ly kai tleaung y atho len nai deaungkho y, kai ai eaung vui bo. Khumi luteng my kai ai panui hai nai ne. Nichi ly kai ai kani khengrei preaung u bo.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

AMOS 3:8

Khrangsi hang baly ami py jei y nai awm pajau ai mo? Sa thai naira angym nai Areng my leu pei baly ami mo py, leu pei nai ai aeu y nai awm pajau na a?

AMOS 7:15

Na i py Areng my kai ai beram typ naira i nai palau i, mymy i khumi Israelachi teng y chei iy, amo leu thui pi ai nai pato nai ne.

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

LUKA 9:62

Na i py Isu my ni teng y, “Ami py li thawn naira taveang kiu y amkhaw iy, nithun mang y khen nai ly, Tameuh i peang naira khumi lawn ai nai ataing y leang,” napi.

AMTAW 4:20

Kaini ly kaini i atiti niu nai hawi pany naichi ly thui y naimy awm pajau y leang,” napi.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

AMTAW 9:6

na i py angthau ly avang y kun, hunaibaly nang i sa ai nai sai ang thui pi ai mang,” napi.

ROM AVANGCHI TENG Y PAWLA I CHA PA NAI 1:14

Kai ly Krikchi hawi Cheng Takhrachi teng y py, khumi kachengchi hawi cheng y naichi teng y py kalai awm.

ROM AVANGCHI TENG Y PAWLA I CHA PA NAI 15:17

Hunaibaly kai ly Tameuh i molam y Krista Isu y ly amlyh ai naira awm.

ROM AVANGCHI TENG Y PAWLA I CHA PA NAI 4:2

Abraham ly atiti sa nai deaungkho y eaung naira nga nai baly, mymy ly amlyh ai naira awm: ne mang ly Tameuh mang y ly by y leang.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.

I KORINTH 9:12

Khumi takhrachi malawn py nangchi i tlang tleaung y hini aly peang naira nga baly, kaichi ly nga ra ai nai tlo y a? Na i py kaichi ly huni aly peang naira ly teaung y leang. Kaichi ly Krista i Satang Kahawi kang paka y ai nai kaichi ly ati cheaungkhang kham tanga nai teu.

I KORINTH 9:14

Hunai kamta khyp pa-rei Areng my ly, “Satang Kahawi thui pi nai keungchi ly Satang Kahawi i saho y mymychi i cha nei naira nga ai nai khai pi rym nai ne.

II KORINTH 2:12

Naibaly kai ly Krista i Satang Kahawi thui pi ai nai Troas avang y katym nai, Areng y ly kai ai katheu ang paeung pi nai khala y ly,

KOLOSA 4:17

Naibaly Arikipa teng y ly, “Areng y nang i krykeung kalop nga nai ly sa angym ai nai hawihai palai dawn,” tapi u ba.

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.