I KORINTH 8:1 - Khumi Common Language Bible

¹ Naibaly vai ly myn y atiti apathyp nai huni satang ly. Achi ly pany naira awm bawibawi, nanai apany. Pany naira my ly paleung len hai reng, na i py tamen naira my ly veang hai reng.

I KORINTH 8:1 ပူးပေါင်းရင်းမြစ်များ

ISAIA 47:10

“Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

ISAIA 5:21

Nangchi ly taham si! Amymychi ai khri pa-rei cheng parai, tau awm, nanai athang khai u reng.

Kati Nai 25:2

Huni neampachychi my Moba tameuh teng y apathyp nai pawi sa naira y nichi ai palau. Israela chengchi ly Peor meingtym i Bala tameuh teng y apathyp nai teicha teinei cha iy,

AMTAW 15:10

Hunaibaly achi i amsi sangumchi hawi achi py patawm pajau y nai langvui savan ly abangnaichi i tlang tleaung y patli ai nai ati mana nai Tameuh ai cham u lawh a?

AMTAW 15:29

myn y apatyp nai mawi hawi, thi hawi, taau ka nai mawi cha nai hawi, angai nai hawi anawn u, kang napi; hunichi ly nangchi amkym baly nangchi i vui hawi ai; noso kahawi awm u ba,” nanai tajiu.

AMTAW 21:25

Na i py Cheng Takhrachi theung y ym naichi i molam ly, myn y atiti apathyp naichi hawi, thi hawi, mawi taauka nai cha nai hawi, angai nai hawi amkym ai nai tla, nanai kaichi chih i tajiu chum veng bo,” napi.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

ROM AVANGCHI TENG Y PAWLA I CHA PA NAI 14:10

Na i py nang ly ati mana nai ngamjo ngamnau ai cheh lawh? Mana nai y ngamjo ngamnau ai tahm khai y lawh? Achi bawibawi ly Tameuh i tara chih nai atehra mo y angdo ai nai tla;

ROM AVANGCHI TENG Y PAWLA I CHA PA NAI 14:14

Atiti py ne sy, huni kypkyp y ly chai y naira ati sai py by y leang, nanai kai ly Areng Isu y khri pa-rei kapany na: atiti chai y nai palawn nai keung i vui naini chai y nai teu.

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

ROM AVANGCHI TENG Y PAWLA I CHA PA NAI 14:22

Nang i ym naira awm nai ly Tameuh hawi nang i sala y awm palai sy. Atiti avo, na naira y ly apsum y nai khumi ly taham hawi.

ROM AVANGCHI TENG Y PAWLA I CHA PA NAI 14:3

Cha nai khumi my ly cho y nai khumi ai ati sai py ny y nai palawn moh sy; cho y nai khumi my py cha nai khumi ai ly cheh moh sy. Tameuh my ni ai ly kawn veng bo chy bo.

ROM AVANGCHI TENG Y PAWLA I CHA PA NAI 15:14

Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.

I KORINTH 1:5

mymy ly ati cheaungkhang leu thui naira y hawi, pany naira cheaungkhangra y py nangchi ai ang nang hai nai ne;

I KORINTH 10:15

Khumi kachengchi teng y thui nai kamta kathui nai ne; kai i leu thui nai ly dawn u.

I KORINTH 10:28

Na i py khumi ami py nangchi teng y, “Hini ly apathyp nai mawi,” nanai ang thui pi baly, ang thui pi nai keung deaungkho y hawi, paleung y hawi nai hawi y nai pany naira deaungkho y py cho u moh:

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

I KORINTH 4:10

Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

I KORINTH 4:18

Naibaly kai ly nangchi teng y kang jeu bi y ai nai kamta my phyreichi ly paleung len bo.

I KORINTH 4:6

Naibaly amjo amnauchi awi, leu tajiu nai ai ly katlen u y ai nai nangchi ly kaini i amtiu u thai ai nai hawi, nangchi theung y ami py leaung leaungrei mang y py am-e u y ai nai py, huni leu ly nangchi hawi ai nai kai ly Apolo kaini i tlang tleaung y dawn pata nai leu kamta katabi nai ne.

I KORINTH 5:2

Naibaly nangchi ly paleung mawn iy, huna nai sa nai khumi ai ly nangchi theung i nai patheu ai nai tleaung y ly nangchi ly paleung len lawh.

I KORINTH 5:6

Nangchi i am-e nai ly hawi y. Angbo maiden chy naimy tako phi ai ly bom verei num be, nanai pany u y nai sai a?

I KORINTH 8:2

Khumi ami py atiti mo pany, nanai athang akhai baly mymy ly mymy i pany ai nai ka-tawm pany y leang rai;

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

I KORINTH 8:7

Na i py huni pany naira ly khumi bawibawi y by y leang; phyreichi ly vai khrairei myn y dawn nai awm jo nai deaungkho y myn y apathyp nai pany nai iy cha u lawh; hunaibaly mymychi i hawi nai hawi y nai pany naira ly ham y nai deaungkho y chai y bo.

EPHESI 4:16

Mymy i saho y tlang bomrei ly amtawm naira cheaungkhang sa nai deaungkho y adyh parai pa-rei myacha typ nai patawm achu iy, kangprei cheaungkhang my sa nai kamta, tlang ai ly tamen naira y amcheang ai nai veang hai nai ne.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

AMTENG HAI NAI 2:14

Na i py kai ly sai sairei nang i tlang tleaung y thui ai nai awm; Balam i patiu naira patawm nai keung amichi mo nang teng y awm. Ni ly myn y chiu nai apathyp nai mawi cha ai nai hawi, angai ai nai py Israela kangpreangchi i mo y atlym naira khai pi ai nai Balaka ai patiu.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.