I KORINTH 7:34 - Khumi Common Language Bible

³⁴ Naibaly juvo awm nai neampachy hawi anglo kachai hawi ly atawm y leang. Juvo by y nai neampachy ly mymy i tlang hawi phailo y ly chai parai naimy awm thai ai nai, Areng mang y atiti dawn nai nawi: na i py juvo awm nai neampachy ly juvo ai kawn hai thai ai nai sai dawn nai, khaileaung pri mang y atiti dawn nai nawi.

I KORINTH 7:34 ပူးပေါင်းရင်းမြစ်များ

JOHAN 10:13

Mymy ly tham nai khumi ne nai deaungkho y beramchi ai dawn hai y i angpreng veng.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

I KORINTH 7:33

Aju awn nai khumi ly aju ai kawn hai thai ai nai sai dawn nai, khaileaung pri mang y atiti dawn nai nawi.

I KORINTH 7:35

Naibaly huni ly nangmychi i chawn ai naira kang thui pi nai ne; vuinawn y kang thang thai ai nai kang thui pi nai ny y leang; awm nai reita apu khyp nai ryrei awm u thai ai nai hawi, Areng i kalop ly khrukhra y naimy sa u thai ai nai py kang thui pi nai teu.

II KORINTH 11:28

Naibaly atiti takhra kathui y i py, palau takhra kamkawm bawibawichi ai ka-dawn ryhryh naira my kani tlenrei kai ai angti jojo.

II KORINTH 8:16

Na i py Tameuh teng y ly kawn nai leu tym sy. Mymy ly kai i nangchi i tlang tleaung y hawihai palai kry nai sai kamta ly Tita i paleung ai dawn hai bo.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

I TIMOTHEI 3:5

(ami my mymy i dengtheungchi ai malawn py kry nai kawp y baly, Tameuh i palau takhra kamkawmchi ai ly mana kry thai ai mo?)

I TIMOTHEI 5:5

Naibaly neampachy lumai cheaungti mymy tlairei chy awm khyh nai ly Tameuh ai khri pa-rei athang khai i, vum kanithun hnei iy, chiu py sa jojo ;

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn: