I KORINTH 7:31 - Khumi Common Language Bible

³¹ khaileaung pri y teaung naichi ly teaung u ala y nai kamta awm u sy: ati mana nai mo nabaly hini khaileaung pri i awm nai reita ly tama dudu bo he.

I KORINTH 7:31 ပူးပေါင်းရင်းမြစ်များ

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

SAM 73:20

Nichi ly khawn mang y amang tami vui nai kamta ne; aw Areng nang ang thau nai khala y, nichi ly tama u veng bo.

Parip nai leu 1:4

Khumi kangpreangchi ly deungrei bo y deungrei peung u teu i py, tama vui nai ne. Na i py khaileaung pri ly hina nai kamta awm jojo.

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

I KORINTH 7:29

Na i py amjo amnauchi awi, hina nai kang napi, neng ly dawi hai nai ne. Hunai deaungkho y vai i dengdairei aju awm naichi ly by y nai kamta awm u sy;

I KORINTH 7:30

vo naichi ly vo y nai kamta awm u sy, kawn naichi ly kawn y nai kamta awm u sy, van naichi ly vawnsai by y nai kamta awm u sy,

I KORINTH 9:18

Tumbaly kai i kawn nai vang ly ati mo? Satang Kahawi y kai i aly peang naira angym pa-rei teaung y i, kai ly Satang Kahawi kathui pi iy vang ngo y naimy Satang Kahawi i kalop kasa pajau nai ne.

HEBRAI 12:27

Naibaly “Vai tlenrei baly,” nanai ly atiti tahyn pajau y naichi ly awm jo thai ai nai, atiti sa nai tahyn pajau naichi ai la vui ai, nanai pany hai nai ne.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.

I PETERA 1:24

“Khumi bawibawichi ly acha kangheng kamta ne, Huni i apu nai sai ly acha pau kamta ne. Acha kangheng ly jei iy, Pau ly tla reng,

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

I JOHAN 2:17

Khaileaung pri hawi, huni i ngai phi teng y nairachi raurei py tama dudu nai ne; na i py Tameuh i kangai sa nai keung ly deungtasarei awm jojo ai.