I KORINTH 6:9 - Khumi Common Language Bible

⁹ Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

I KORINTH 6:9 ပူးပေါင်းရင်းမြစ်များ

ATITI AWM ANGCHEI NAI 19:5

Nichi ly Lota ai palau u i ni teng y, “Vai dym nang i yhm y tym nai angvyn ni ly ma y mo? Nini ai patheu pi,” napi. Sodom mary i khumichi ly nini hawi kamleaung sa ai ngai nai ne.

THEU NAI 23:1

Nangchi ly teng y nai satang kamngo sa nai khumi mang y, teng y nai pany hai nai keung lawm moh.

LEU KACHENG 11:1

Areng ly teng y nai sie teaung nai khumichi ai niu ngai y; sie kateng teaung nai khumichi ai kawn nai ne.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

LEU KACHENG 7:27

Ni i yhm ly tapreaung mang y chei nai lam ne i, tavau saleaung chei nai katheu pa-kho py ne. Dei neng ny y naimy dei reng nai leaungsai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

Ezekiela 18:11

Huni chapo ly mawi saleung i chiu nai meingtymra y apathyp nai mawichi py cha; ami i aju chanau py taphra.

Levi 18:20

Khumi takhra i aju hawi ta-pui ta-chi apho moh; huna nai sa lawh baly nang ly reita leaungsai y chai y nai ne.

Levi 18:22

Neampacho tengtawi ta-pui ta-chi apho ngau y. Tameuh ly huna nai sa nai ai paso nai ne.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

Levi 20:13

Neampacho tengtawi ta-pui ta-chi apha nai ly amso ngai naira sahawi nai ne i, nini leaung nyhrei ai padei mei ai nai tla. Nini ly dei ai ataing nai kamngo sahawi nai ne.

ZEKHARIAH 5:3

Naibaly kani pri amtaw thau naimy kai teng y, “Pri vereira y amki ai nai amsawi leu ly huni cha aeangra y tajiu nai ne. Cha aeang pheirei mang y ly kangviu khumi ngiereichi ly hini pri i dengdairei, paheng vui naira avum u ai nanai py, takhra pheirei mang y ly vaineng abeu atyhtyh iy ka-chawi thui nai khumi bawibawichi ly tamyh pawn naira avum u ai nanai py, tajiu nai ne.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

LUKA 21:8

Naibaly ni my ly, “Nangchi ai ang tapawp y ai nai tau tleaung y awm u; ati mana nai mo na balykhumi neangneangchi my, ‘Kai ne he,’ ‘Neng ang tym bo,’ nanai kai i amyn angam nai ang jeu ai; nichi teng y ly abang u moh.

AMTAW 20:32

“Vai ly Tameuh hawi mymy i pahengra leu y kang au hai bo, huni ly nangchi ai ang veang hai pajau i, khai takhra naichi theung y ly kamtym ang nga hai teang mang.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

I KORINTH 15:33

Tapawp naira y awm u moh. Ahawi hawi y naichi ly awm nai sai kahawi taphra reng.

I KORINTH 15:50

Amjo amnauchi awi, ngan hawi thi ly Tameuh i pri amtym pajau y leang; veaung thai nai ly veaung thai y nai amtym pajau y leang, nanai kathui nai teu.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.

I KORINTH 5:10

ne mang ly hini khaileaung pri y angai nai khumichi hawi mo, atakaw nai khumichi hawi mo, um paviu nai khumichi hawi mo, myn y chiu nai khumichi hawi mo amkawm y ai nai kang tapi y leang; hunai kamta ne i khyly nangchi ly khaileaung pri i dengdairei theu vui takengkei ai nai tla.

I KORINTH 5:11

Na i py vai ly ami py amjo amnau i amyn apu makho iy angai nai khumi mo, atakaw nai khumi mo, myn y chiu nai khumi mo, mhm pavui nai khumi mo, um paviu nai khumi mo ne baly, huna nai khumi hawi amkawm y ai nai hawi, cho py cho y ai nai py nangchi teng y kang tajiu bo.

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

I KORINTH 6:18

Angai naira ai ly angpreng veng. Khumi i kamngo sa nai cheaungkhang ly tlang i angam mang y awm; angai nai ly my i ngan khypkhyp tleaung y kamngo sa nai ne.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

I KORINTH 9:24

Angpreng acham naira y acham naichi bawibawi ly angpreng, na i py kawn nai vang ly leaungrei chy nga khyh, nanai ly nangchi pany y a? Nangchi nga thai ai nai hunai kamta khyp angpreng u.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

KALATIA 6:7

Tapawp naira y awm u moh; Tameuh ai ly khen nau ai nai vuilam ny y leang; ami my hei nai ngierei ly huni ly bebe pakym ali teang ai.

Leu Thui Nai 22:22

“Neampacho leaungrei ly juvo awm nai neampachy leaungrei hawi ta-pui ta-chi apha nai khala patiu rang lawh baly, nini leaung nyhrei ai padei mei ai nai tla. Hina nai sa iy nangchi ly hawi y nai amjy ai tama hai pajau ai.

Leu Thui Nai 22:5

“Neampachy ly neampacho i baichu ateaung amchiu ngau y; hunai kamta neampachochi py neampachychi i baichu ateaung amchiu ngau y. Huna nai kamta sa lawh nai khumichi ai ly nangchi i Areng Tameuh ly paso nai ne.

Leu Thui Nai 23:17

“Israela cheng theung i neampacho py ne sy, neampachy py ne sy, chiu naira meingtym ai bima yhm palawn moh.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

HEBRAI 12:16

angai nai keung mo, Esaw kamta ly Tameuh ai tahm khai y nai khumi mo awm lawh na: mymy ly tapen angchei nai i nga avo nai ai ly tlenrei cha ai naira y jo vui bo.

HEBRAI 13:4

Khumi bawibawichi ly apom naira ai tahm khai u sy, i ra y py hawi y naira abawi moh sy; angai naichi ai hawi pajang sa naichi ai ly Tameuh my chih ai.

JAKOB 1:16

Amjo amnau ngai parai naichi awi, tamang u moh.

I JOHAN 3:7

Bechi awi, ami my py nangchi ai tapawp ai nai pei u moh; mymy ly kahawi ne nai kamta, kahawi sa reng nai keung ly kahawi ne teang:

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.

TARA CHIH NAI KEUNGCHI 19:22

Nichi ly amo theu naimy awmnem nai thym khala y, mary theung i neampacho kamleaung phyreichi ly yhm katanmeuh iy, katheu atum u; yhmkeung miteaung pui teng y py, “Nang hawi vanrei abang nai khumi ai patheu pi; kaichi ly ni hawi apang ahawi ai nai ngai!,” napi u.”