I KORINTH 6:15 - Khumi Common Language Bible

¹⁵ Nangchi i tlang ly Krista i kangprei ne, nanai nangchi pany y nai sai a? Krista i kangprei ly la pi iy bima kangprei kapalawn ai a? Huna tanrei kaau ly tym moh sy.

I KORINTH 6:15 ပူးပေါင်းရင်းမြစ်များ

ATITI AWM ANGCHEI NAI 44:17

Josepha my, “Aw, ny y leang! Huna nai kamta kai so hai y leang. Khau paviu nai keung naini kai i miseaung lawm hai ai. Huni bo i nai nangchi ly ngampo teng y paleung kahawi hawi, chymme naimy vawi u,” napi.

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

ROM AVANGCHI TENG Y PAWLA I CHA PA NAI 12:5

hunai kamta teang achi ly nawi parai iy py Krista y ly tlang bomrei awm khyh; achi leaung leaungrei ly vanrei angprei ahawi nai ne.

ROM AVANGCHI TENG Y PAWLA I CHA PA NAI 3:31

Hunaibaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

ROM AVANGCHI TENG Y PAWLA I CHA PA NAI 3:6

Ny y leang; huna nai ne baly Tameuh ly khaileaung pri y mana nai tara chih ai mo?

ROM AVANGCHI TENG Y PAWLA I CHA PA NAI 6:15

Tumbaly mana ai mo? Reita my achi ai peang nai ny y i, pahenra my peang nai deaungkho y achi ly kamngo sa ai nai tla a?

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

ROM AVANGCHI TENG Y PAWLA I CHA PA NAI 7:13

Hunaibaly atiti meitang ly kai i vui dei naira lawn a? Ny y leang. Na i py kamngo ly leu pei nai deaungkho y khri pa-rei kamngo lawn thai ai nai hawi, kamngo ly kamngo ne, nanai amteng thai ai nai py, huni ly atiti meitang teaung iy kai i tlang tleaung y dei naira tym hai nai teu.

ROM AVANGCHI TENG Y PAWLA I CHA PA NAI 7:7

Tumbaly achi ly ati thui ai mo? Reita ly kamngo lawh a? Ny y leang. Na i py Reita ny y nai khyly kai ly kamngo apany y leang bo; Reita my ly, “Paleung no moh,” tapi moh khyly kai ly paleung no ai nai kapany y leang bo:

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

I KORINTH 12:27

Hunaibaly nangchi ly Krista i tlang ne i, huni i kangpreichi ne bawibawi teang.

I KORINTH 6:13

Cha ai naichi ly kajeu i vui ne, kajeu ly cha ai naichi i vui ne; na i py Tameuh my huni ai py nichi ai py tama hai ai. naibaly tlang ly angai ai naira i vui ny y leang, Areng i vui teu; Areng py tlang i vui ne.

I KORINTH 6:17

Na i py Areng hawi amtawm nai ly mymy hawi phailo bomrei ne.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

I KORINTH 6:3

Vai heng nai sala chy y awm nai leu khyh ny y, achi ly kani pri i amtaw thau naichi ai malawn py chih ai, nanai pany u y nai sai a?

KALATIA 2:17

Na i py achi ly Krista y eaung naira nga naira y awm ai tau nai tarawi y achi kypkyp py khumi kamngo ne vui lawh baly, Krista ly khumi kamngo i kalop sa nai keung ne lawh a? Ny y leang.

KALATIA 3:21

Naibaly Reita ly Tameuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takengkei ai nai tla.

KALATIA 6:14

Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

EPHESI 4:12

khumi kachaichi ai angym hai ai nai hawi, kry nai kalop sa ai nai hawi,

EPHESI 5:23

Krista mymy kypkyp ly tlang ai paheng keung ne iy, palau takhra kamkawm i lu ne nai kamta ly,. juvo ly aju i lu ne.

EPHESI 5:30

achi ly mymy i tlang kangpreichi ne nai deaungkho y sa nai ne.

KOLOSA 2:19

huni Lu i saho y ly tlang bom verei ly lenglawchi hawi kananchi deaungkho y pacho nai amtawm achu nai awm iy, Tameuh i veang naira y veang lawh veng.