I KORINTH 6:13 - Khumi Common Language Bible

¹³ Cha ai naichi ly kajeu i vui ne, kajeu ly cha ai naichi i vui ne; na i py Tameuh my huni ai py nichi ai py tama hai ai. naibaly tlang ly angai ai naira i vui ny y leang, Areng i vui teu; Areng py tlang i vui ne.

I KORINTH 6:13 ပူးပေါင်းရင်းမြစ်များ

MATTHAI 15:17

Labeaung y kun nai ngierei ly kajeu y tym i, daichi cheira y theu ryp veng, nanai pany u y nai sai a?

MATTHAI 15:20

hunichi my ly khumi ai chai hai y naichi ne: na i py kiu asi y naimy cha nai ly khumi ai chai hai y nai ny y leang,” napi.

MARKA 7:19

Ati py angam mang i dengdairei khumi i taku theung y kun nai ngierei ly ni i paleung theung y kun y i, ni i kajeu theung y kun iy, ei thau naira y theu veng nai deaungkho y ni ai ly chai hai thai y ai nai pajau y, nanai ly pany u y nai sai a?” napi. (Huni ly cha ai nai amjy cheaungkhang ly cha ngau, nanai sai ne.)

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 6:49

Nangchi i amsichi ly daichi ka-vym y manna cha, na i py dei bo.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 6:12

Hunai deaungkho nangchi i tlang i ngai phi teng y nairachi patawm ai nai, nangchi i dei thai nai tlang ai ly kamngo my peang ai nai pei u moh:

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 6:15

Nangchi i tlang ly Krista i kangprei ne, nanai nangchi pany y nai sai a? Krista i kangprei ly la pi iy bima kangprei kapalawn ai a? Huna tanrei kaau ly tym moh sy.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

II KORINTH 5:15

hunaibaly heng naichi ly amymy i vui y heng nai ny y leang bo, nichi i jeng y dei nai hawi angthau bi naii vui y heng u lawh thai ai nai, mymy ly bawibawichi i dei ai nai jeng y dei nai ne.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

EPHESI 5:23

Krista mymy kypkyp ly tlang ai paheng keung ne iy, palau takhra kamkawm i lu ne nai kamta ly,. juvo ly aju i lu ne.