I KORINTH 5:8 - Khumi Common Language Bible

⁸ hunai deaungkho y angbo kangngym ny y nai hawi, paleung patheang si nai hawi kamngora angbo abawi y nai ly, meitang naira hawi teng naira angbo abawi y nai tako hawi pawi so u sina.

I KORINTH 5:8 ပူးပေါင်းရင်းမြစ်များ

SAM 32:2

Hawi y sa nai khumi, nanai Areng my neng hai nai avum y naimy tapawp paryp nai ngiereira y abawi y nai khumi ly taham hawi.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

THEU NAI 12:15

Areng my, “Nangchi ly Kani saryh ryrei ly angbo abawi nai tako cho u moh, angbo abawi y nai tako tlairei cha u ai nai tla; angchei i kani dengdairei nangchi i yhmdeaung tleirei y angbo awm moh sy; huni kani saryhrei sala y khumi leaung leaungrei ly angbo abawi nai tako cha lawh baly, huni khumi ai ly kai i khumi, nanai kapalawn y ai i, Israela cheng theung i nai nyn kava vui ai.

THEU NAI 12:19

Kani saryh ryrei sala y nangchi i yhm y angbo awm moh sy; amy i khu theung y tapen nai py, cheng takhra theung y tapen nai py, ami py ne sy, angbo abawi nai tako cha lawh baly kai i khumi, nanai kapalawn y ai i nyn kava vui ai.

THEU NAI 12:8

Huni vum y mawi dang iy angbo abawi y nai tako, an ngam kakhochi hawi cha ai nai tla.

THEU NAI 13:6

Kani saryh tym pa-rei angbo abawi y nai tako cha chum baly, saryh kani y Areng ai tahm khai nai pawi sa ai nai tla.

THEU NAI 13:7

Kani saryh ryrei ly angbo abawi nai tako cha ai nai tlo y; nangchi i pri meingtym tleirei y angbo hawi angbo abawi nai tako awm moh sy.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

Levi 23:6

Kani holai pangrei kani ly tako angbo abawi y nai Pawi amteaung nai ne i, nangchi ly kani saryhrei sala y angbo abawi nai tako cha ai nai tlo y.

MATTHAI 16:12

Hunaibaly mymy ly tako angbo y amkym ai nai ny y i, Pharisaichi hawi Saddukaichi i patiu naira y amkym ai nai nichi ai thui pi, nanai pany u bo.

MATTHAI 16:6

Naibaly Isu my nichi teng y “Pharisaichi hawi Saddukaichi i angbo y ly tau tleaung y awm u ly, amkym u,” napi.

MARKA 8:15

Naibaly mymy ly nichi teng y, “Pharisaichi i angbo y hawi Heroda i angbo y py tau tleaung y awm u ly, amkym u”, napi cheng.

LUKA 12:1

Huna nai khumi mipui sang neangneang achiu lengleang na pa-rei achu nai thym khala ly Isu my abangnaichi teng leu thui amteaung i, “Pharisaichi i angbo, tapawp naira y ly amkym u.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.

I KORINTH 5:6

Nangchi i am-e nai ly hawi y. Angbo maiden chy naimy tako phi ai ly bom verei num be, nanai pany u y nai sai a?

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 8:8

Kai ly leu pei nai kamta kathui y leang, khumi takhrachi i hawihai palai sa naira y nangchi i tamen u tatang nai sai cham ai nai kathui nai teu.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

Leu Thui Nai 16:16

Nangchi cheng theaung i neampacho bawibawichi ly Katlen vui nai Pawi, chohboleh nai Pawi, Taichy Pawichi sa ai nai chiu nai meingtym harei khyh naira y sanengrei y tlen thomrei jeu iy, Areng ai chiu ai nai tla.

Leu Thui Nai 16:3

Nangchi ly Aikupta pri i dengdairei theu u kathawnkarawn nai thym khala, angbo abawi y nai tako cha u nai kamta, Katlen vui nai Pawi sa baly, angbo abawi y nai tako kani saryh ryrei cha ai nai tla. Nangchi ly ngari kamtang avum nai Aikupta pri i dengdairei theu u nai kani ai, deungtasarei pany jo ai nai, ngari kamtang napi nai angbo abawi y nai tako cho u.

JOSUA 24:14

Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.