I KORINTH 5:7 - Khumi Common Language Bible

⁷ Nangchi ly angbo abawi y nai kamta khyp my tako phi kangtha lawn u thai ai nai, angbo kangngym ly pasym u pan. Krista kypkyp ai ly achi i Katlen Vui nai pawi i beram cho pathyp pi veng bo;

I KORINTH 5:7 ပူးပေါင်းရင်းမြစ်များ

THEU NAI 12:15

Areng my, “Nangchi ly Kani saryh ryrei ly angbo abawi nai tako cho u moh, angbo abawi y nai tako tlairei cha u ai nai tla; angchei i kani dengdairei nangchi i yhmdeaung tleirei y angbo awm moh sy; huni kani saryhrei sala y khumi leaung leaungrei ly angbo abawi nai tako cha lawh baly, huni khumi ai ly kai i khumi, nanai kapalawn y ai i, Israela cheng theung i nai nyn kava vui ai.

MATTHAI 13:33

Mymy ly pata nai leu takhra nichi teng y thui pi bi i, “Kani pri my peang nai ly neampachy my angbo la iy, tako dei ne naira thomrei theung y num be pa-rei phui nai kamta atawm,” napi.

MARKA 14:12

Naibaly tako angbo abawi y nai pawi angchei i kani, Katlen Vui nai pawi y beram cho pathyp nai kani y ly abangnaichi ly mymy teng y, “Nang ly Katlen Vui nai pawi cha thai ai nai ma mang y pawi pi ai nai ngai mo?” napi.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 1:36

Naibaly mymy ly Isu aleaung nai thym khala y khen i, “Khen cham, Tameuh i Beram Cho ho! napi.

JOHAN 19:14

Huni kani ly Katlen Vui nai pawi Sa Rym Nai Kani ne: khawn biu cha neng ne bo. Naibaly ni my ly Judachi teng y, “Khen cham, nangchi i samrang ly!” napi.

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

I KORINTH 10:17

Achi, khumi neangneang ly tako phirei, tlang bomrei ne chy bo; achi bawibawi ly huni tako phirei ra i nai phy nga sa sa veng.

I KORINTH 5:13

angam mang i khumichi ai naini Tameuh my chih ai nai ny y a? Huni kamngo ai ly nangchi theung i dengdairei patheu u.

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

AMTENG HAI NAI 5:12

Nichi ly tao pajeng parai naimy, “Beram Cho tleh nai ly sa thai naira hawi, nang parai naira hawi, cheng naira hawi, ham naira hawi, tahm pasang naira hawi, palo naira hawi, amtheaung naira py nga ai nai ataing,” napi.