I KORINTH 5:11 - Khumi Common Language Bible

¹¹ Na i py vai ly ami py amjo amnau i amyn apu makho iy angai nai khumi mo, atakaw nai khumi mo, myn y chiu nai khumi mo, mhm pavui nai khumi mo, um paviu nai khumi mo ne baly, huna nai khumi hawi amkawm y ai nai hawi, cho py cho y ai nai py nangchi teng y kang tajiu bo.

I KORINTH 5:11 ပူးပေါင်းရင်းမြစ်များ

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 101:5

Khumi takhra i hawi y sa nai satang ai, leu kamsyh y thui reng nai khumi ai ly nawi su veng ai; amlyh am-e naimy paleung asang nai khumi ai ly kham pi ai ny y.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

MATTHAI 18:17

Naibaly mymy ly hunichi i leu py tangai ngai y baly, palau takhra kamkawmchi teng y tym hai: naibaly mymy ly palau takhra kamkawchi i leu py tangai ngai y baly, ni ly nang i vui Cheng Takhra khumi hawi akeu cheaung nai keung kamta awm sy.

MATTHAI 23:25

“Reita patiu nai keung hawi Pharisai tapawp naichi awi, nangchi ly taham si! Nangchi ly khau hawi saibi ly salo mang paju u i, theung mang y ly cha parawp nai hawi amkym pajau y nai kawi bo.

LUKA 18:11

Pharisai ly angdo i mymy naimy hina nai chiu asa ryp, ‘Aw Tameuh, kai ly khumi takhra kamta, um paviu naichi, hawi y naichi, pajang sa naichi ny y nai hawi, hini akeu cheaung nai keung kamta py kai ly ny y nai deaungkho y nang teng y kai kawn parai ba.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

AMTAW 9:17

Naibaly Anania ly chei i yhm y kun, naibaly mymy i tlang tleaung y kiu tamam iy, “Be Sawla, nang i mei angvang ai nai hawi, nang ly Phailo Kachai kawi naimy awm thai ai nai py Areng, nang i tako nai lam y nang teng y amteng nai Isu my kai ai ang pato nai he,” napi.

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.

I KORINTH 10:14

Hunai deaungkho y kai i ngai parai naichi awi, myn y chiu nai ly angpreng u veng.

I KORINTH 11:21

nangchi ly khumi leaung leaungrei cha iy amy i biu cha man lawh veng; hunaibaly khumi leaungrei ly kajeu alam iy khumi leaungrei ly pavui lawh.

I KORINTH 5:13

angam mang i khumichi ai naini Tameuh my chih ai nai ny y a? Huni kamngo ai ly nangchi theung i dengdairei patheu u.

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

I KORINTH 6:6

amjo amnau my amjo amnau ai tara chih naira y tym hai lawh be, ym y naichi i mo y ne vui bi rai.

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

I KORINTH 7:12

Na i py khumi takhraichi teng y ly Areng my ny y naimy kaimy thui pi nai ne: amjo amnau ami py aju ly ym y nai ne iy mymy ly ni teng y awm jo ai nai avo nabaly, juvo ly mymy ai khai moh sy.

I KORINTH 7:15

Na i py ym y nai khumi ly akhai saly akhai tlam tlam sy, huna naira y ly amjo amnau neampacho ai mo, neampachy ai mo kam nai ny y leang; na i py Tameuh ly achi ai aly naira y ang palau nai ne.

I KORINTH 8:11

Hunaibaly nang i pany naira y ham y nai khumi ly tama ai bo; naibaly huni amjo amnau i jeng y Krista dei pi bo.

KALATIA 2:12

Ati mana nai mo nabaly khumi amichi mo Jakob teng i dengdairei jeu u y rai khala y, mymy ly Cheng Takhrachi teng y biu cha reng; na i py nichi tym u bo nabaly lengkhym takip naichi ai jei nai deaungkho y mymy ly abawi ali y i awm takhra veng bo.

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

II THESALONIKA 3:14

Ami py hini cha pa nai kaichi i leu patawm y baly, mymy kaji thai ai nai huni khumi ai ly den py amkawm u y ai nai ma u kheng.

II THESALONIKA 3:6

Naibaly amjo amnauchi awi, kaichi teng i dengdairei leu taviu nai nga nai kamta awm y iy, reita ny y nai kamta awm nai amjo amnau bawibawichi hawi amkawm y ai nai, achi i Areng Isu Krista i amyn y leu kang pei u.

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II JOHAN 1:10

Ami py huni patiu nai leu y syn y naimy nangchi teng y ang jeu lawh baly, nangchi i yhm y ango hai moh ly, leu kahawi py pavum u moh;

AMTENG HAI NAI 2:14

Na i py kai ly sai sairei nang i tlang tleaung y thui ai nai awm; Balam i patiu naira patawm nai keung amichi mo nang teng y awm. Ni ly myn y chiu nai apathyp nai mawi cha ai nai hawi, angai ai nai py Israela kangpreangchi i mo y atlym naira khai pi ai nai Balaka ai patiu.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.