I KORINTH 4:5 - Khumi Common Language Bible

⁵ Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

I KORINTH 4:5 ပူးပေါင်းရင်းမြစ်များ

JOBA 12:22

Mymy ly vengpang nanai meingtymchi ai angvang hai.

LEU KACHENG 12:8

Ami tleaungtha cheng nai khumi ai ly khumi takhrachi my palo ai; tau cheng naira by y nai khumichi ai ly ami my py khen nau ai.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 23:25

‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

MATTHAI 10:26

“Hunaibaly mymychi ai ly jei u moh; amteng y ai nai heu nai ly ha py by y, pany y ai nai apha nai py ha py by y.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 24:46

Mymy i yhmkeung ang jeu nai neng khala y miseaung huna nai kamta sa nai ai niu nai ly taham hawi ai.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

MATTHAI 25:23

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; maiden chy naira y ka-ym awm i, nawi parai naira tleaung y kang khai ai mang: nang i yhmkeung i kawn naira y kawn teang,’ napi.

LUKA 6:37

“Nangchi ai cheh y ai nai cheh u reng moh; pasum u reng moh, naibaly nangchi ai pasum y ai; pahen u, naibaly nangchi ai pahen ai;

JOHAN 21:22

Isu my ni teng y, “Kai kang jeu bi nai khala khrairei mymy awm jo ai nai kai ngai baly nang ly mana sa nai? Nang ly abang phai abang,” napi.

JOHAN 21:23

Hunaibaly huni abangnai ly dei y ai nai leu ly amjo amnauchi theung y amthang hai; na i py Isu ly, “Dei y ai,” nanai ni teng y thui y: “Kai kang jeu bi nai khala khrairei mymy awm jo ai nai kai ngai baly, nang ly mana sa nai?” napi nai khyh.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

ROM AVANGCHI TENG Y PAWLA I CHA PA NAI 14:4

Khumi takhra i miseaung ai cheh nai keung nang ly mana nai kha? Mymy i angdo nai hawi atlym nai ly mymy i yhmkeung i vui ne. Ne, ni ai angdo hai takengkei ai; Areng ly mymy ai angdo hai pajau.

ROM AVANGCHI TENG Y PAWLA I CHA PA NAI 2:1

Hunai deaungkho y nai awi, nang ly cheh nai keung ami py ne teu iy py, nang ly den py akhira ngo y leang; nang i khumi takhra ai cheh nai kypkyp my ly nangmy naimy apasum ryp nai chy bo; nang, cheh nai keung my py hunai kamta atitichi sa ryp teang lawh.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

I KORINTH 1:7

hunaibaly achi i Areng Isu Krista i amteng nai ai ajeng nai, atiti sa thai naira pei ryry naira y nangchi ly ngo y nai ny y leang;

I KORINTH 11:16

Ati py ne sy, ami py aei ai naira awm i khyly hunai ka-tawm reita nanai ly achi ly pipi by y, Tameuh i palau takhra kamkawmchi py by y.

I KORINTH 11:26

Nangchi ly huni tako cha iy, khau py nei nai tleirei ly mymy ly ang jeu ali y ryrei ly Areng i dei naira pany jo nai ne.

I KORINTH 15:23

Na i py leaung leaungrei ly amymy i ka-thui ka-thui awm ai, Krista ly angthau man nai keung, huni bo y ang jeu bi nai kha y ly Krista i ngiereichi.

I KORINTH 3:13

Ati mana nai mo nabaly mai y amny ai nai deaungkho y huni kani my ly amteng hai ai; naibaly mai kypkyp my ly khumi leaung leaungrei i kalop sa nai ly mana atawm mo, nanai cham ai.

I KORINTH 3:14

Ami i kalop sa nai py huni tleaung y sa iy awm jo baly huni khumi ly kawn nai vang nga ai.

I KORINTH 3:8

Naibaly ui nai keung hawi tui lei hai nai keung ly bomrei teu; na i py leaung leaungrei ly amymy i sa akawm nai kamta amymy i kawn nai vang ly nga ai.

II KORINTH 10:18

Areng my kahawi thui nai naini palo naira nga nai teu.

II KORINTH 10:9

Kai i cha pa naichira y kang jei hai tau nai kamta kamteang y ai nai kangai.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

JAKOB 4:11

Amjo amnauchi awi, apreaung u reng moh. Ami py amy i amjo amnau ai preaung iy, amy i amjo amnau ai cheh baly, Reita ai preaung iy, Reita ai py cheh:naibaly nang ly Reita ai cheh baly, nang ly Reita patawm nai keung ny y, tara chih nai keung tla lawh veng.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

JAKOB 5:9

Amjo amnauchi awi, sum naira ngo y ai nai nangmychi tengtawi jo sei u reng moh; khen cham, tara chih nai keung ly katheu pa-kho ahawi y angdo ryhryh bo.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

II PETERA 3:4

panui hai nai tarawi y ang tym iy, “Ni ly ang jeu bi ai nai leu adeu nai ly ma mang y mo? Amsi sangumchi i, i ngym veng nai kani i dengdairei khaileaung palum kha i nai kamta ly atiti bawibawichi ly awm veangveang chy bo,” nanai thui ai. Hini satang nichi ly tami akhikan :

JUDA 1:14

Naibaly Adam i dengdairei kangthau saryhrei nai Enoka ly hunichi teng y py leu thui yb i, “Khen cham, khumi bawibawichi ai tara chih ai nai hawi,

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.