I KORINTH 4:19 - Khumi Common Language Bible

¹⁹ Na i py Areng my avo hai baly, kra y nai sala y my nangchi teng y kang jeu ai; hunaibaly khumi paleung len naichi i leu ny y naimy, kai ly nichi i sa thai naira kapany ai.

I KORINTH 4:19 ပူးပေါင်းရင်းမြစ်များ

AMTAW 18:21

“Tameuh my pei baly nangchi teng y kang jeu bi ai mang,” napi iy leu kahawi y amprei i, Ephesi avang i dengdairei paleaung mang chei bo.

AMTAW 19:21

Naibaly huna nai pajau iy Pawla ly Makedonia pri hawi Akaia pri y amki i Jerusalem y chei ai nai paleung awm i, “Hu y chei pajau nai bo y Rom avang py kakhen ai nai tla,” napi.

AMTAW 20:2

Naibaly nichi ai leu neangneang pachei prei naimy huni pri y amki be i, Krik pri y tym bo.

ROM AVANGCHI TENG Y PAWLA I CHA PA NAI 15:32

achi i Areng Isu hawi Phailo i tamen naira deaungkho y nangchi i Tameuh teng y kaimy i vui chiu sa pi naira y ly sabawm tanga ai nai kang takeng.

I KORINTH 11:34

Nangchi i achu nai ly tara chih naira y awm y ai nai, ami py kajeu alam baly amy i yhm y cho sy. Naibaly atiti takhra ly kai kang jeu nai khala y ka-vo kang dawn hai ai.

I KORINTH 14:5

Naibaly nangchi bawibawi ly leu athai y nai thui ai nai kang ngai hai, na i py nangchi ly leu thui ai nai ipsaly kang ngai hai ra nai ne; palau takhra kamkawm ly khaw hai naira nga thai ai nai, thui pi pachai nai ny y baly leu thui nai keung ly leu athai y nai thui nai keung tleaung y tahm asang keh.

I KORINTH 16:5

Naibaly kai ly Makedonia pri tako prei nai bo y ly nangchi teng y kang jeu ai; Makodonia pri katako prei tanga ai nai bo.

I KORINTH 16:7

Ati mana nai mo nabaly vai katako nai tarawi y nangchi ai niu de nai khyh ly kangai y leang; Areng my avo hai baly nangchi teng y kra kyh awm ai nai athang kakhai.

I KORINTH 2:6

Na i py kaichi ly khumi ka-cheangchi theung y ly cheng nai leu thui pi; na i py hini khaileaung pri i cheng nai leu ny y leang, hini khaileaung pri i peang nai keung tama ai naichi i cheng nai leu py ny y leang.

I KORINTH 4:18

Naibaly kai ly nangchi teng y kang jeu bi y ai nai kamta my phyreichi ly paleung len bo.

I KORINTH 4:6

Naibaly amjo amnauchi awi, leu tajiu nai ai ly katlen u y ai nai nangchi ly kaini i amtiu u thai ai nai hawi, nangchi theung y ami py leaung leaungrei mang y py am-e u y ai nai py, huni leu ly nangchi hawi ai nai kai ly Apolo kaini i tlang tleaung y dawn pata nai leu kamta katabi nai ne.

II KORINTH 1:23

Na i py kai i phailo pany hai ai nai vui ly Tameuh ai kapalau nai teu, kai ly Korinth avang y chei y pasi lawh nai ly nangmychi ai patang hai y ai nai ne.

II KORINTH 10:9

Kai i cha pa naichira y kang jei hai tau nai kamta kamteang y ai nai kangai.

HEBRAI 6:3

Naibaly Tameuh my avo hai baly achi ly hunai kamta sa takengkeh ai.

JAKOB 4:15

Hunai deeaungkho y, “Areng my avo hai baly noso hawi iy huni py hini py sa ai,” na u ai nai tla.