I KORINTH 4:10 - Khumi Common Language Bible

¹⁰ Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

I KORINTH 4:10 ပူးပေါင်းရင်းမြစ်များ

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

LEU KACHENG 11:12

Amichi ai panui pachem hai nai ly ka-khum ne; tau cheng nai khumi ly awm pypy ai.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

MATTHAI 24:9

“Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

MATTHAI 5:11

“Amichi my kai i molam y nangchi ai ang jo iy ana nai, ka-chawi cheaungkhangra y ang seu nai khala y ly nangchi taham hawi ai.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 18:9

Naibaly khumi kahawi ne, nanai athang akhai iy, khumi takhra bawibawichi ai tahm khai y nai keung amichi teng y mo ly hini pata nai leu py thui i,

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.

AMTAW 26:24

Naibaly mymy ly hunai kamta eaung nai leu thui nai thym khala y Festa ly athorei my, “Pawla, nang ly pathu bo; nang i amtiu nai nawi ala naimy ang pathu hai nai bo tu ly,” napi.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 1:25

Ati mana nai mo nabaly Tameuh i cheng y naira ly khumichi tleaung y cheng keh, Tameuh i ham y naira py khumichi tleaung y ham keh lawh teang.

I KORINTH 10:12

Hunai deaungkho y angdo, nanai adawm nai khumi ly amkym sy, ti y baly atlym lawh na.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

I KORINTH 2:3

Naibaly kai ly nangchi theung y ham y nai hawi jei nai khri pa-rei kaso theu nai py awm bo.

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.

I KORINTH 3:2

Biu chakre ny y naimy nangchi ai kanu hang y kang pacho bo, biu chakre cho u thai y rai nai deaungkho y; ne, vai py cho u thai y jojo rai;

I KORINTH 4:8

Vai py nangchi ly kawi palai bo! Vai py nangchi ly nang bo, nangchi ly kaichi abawi y naimy peang nai bo he; ne, kaichi py nangchi hawi peang ai nga ai nai nangchi ly peang tatang nai khyly kangai.

II KORINTH 10:10

Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.

II KORINTH 11:19

Nangchi ly khumi kacheng ne nai deaungkho y kamthuchi ai ly paleung hawi parai naimy kham pi reng.

II KORINTH 11:29

Ami my ham y nai ne baly kai py ham y nai ny y a? Ami ai atlym hai nai ne baly kai ly angveaung nai ny y a?

II KORINTH 13:9

Kaichi ly ham y nai thym khala y ly nangchi i ham naira deaungkho y kaichi ly kawn chy bo; huni py nangmychi i hawi angym ai naira awm ai nai chiu kang sa pi.

II KORINTH 4:12

Hunaibaly kaichi ai ly dei naira my ang sa hai, na i py nangchi ai ly heng naira my ang sa hai nai ne.

II KORINTH 6:8

amyn thui tamawn nai hawi amyn kahawi thui nai deaungkho y py; tapawp nai keung kamta awm iy, khumi meitang ne lawh nai;

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.