I KORINTH 3:5 - Khumi Common Language Bible

⁵ Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

I KORINTH 3:5 ပူးပေါင်းရင်းမြစ်များ

MATTHAI 25:15

Naibaly mymy ly miseaung leaungrei teng y talent pangrei, leaungrei teng y talent nyhrei, leaungrei teng y talent harei, nichi i sa thai nai ryrei bawibawi sa ai nai au i, khuleaung chei bo.

LUKA 1:2

huna nai deaungkho y Theophila kahawi keh awi, ati cheaungkhang pakeung i dengdairei hawihai palai kapatawm i,

JOHAN 3:27

Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

AMTAW 18:24

Naibaly Juda leaungrei amyn Apolo napi nai, Aleksandria avang y tapen nai, leu thui kawp parai nai khumi ly Ephesi avang y tym, mymy ly Tameuh i leu py khrikhri pa-rei pany.

AMTAW 19:1

Naibaly Apolo ly Korinth avang y awm nai sala y Pawla ly tleng mang i ka-peang amki be pajau nai Ephesi avang y tym iy,

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

I KORINTH 16:12

Na i py achi i amjo amnau Apolo i molam ly, amjo amnauchi hawi vanrei nangchi teng y ang jeu ai nai katakeng, na i py vai ly mymy ly jeu ngai y leang rai; na i py avo nai khala y ly ang jeu ai.

I KORINTH 3:10

Kai ai Tameuh i pahenra ang pei nai kamta, yhm sa nai lu keh i kawp parai nai kamta ly kaimy lengseaung leng i, khumi takhra my salo y yhm sa. Na i py khumi leaung leaungrei ly huni salo y yhm sa ai nai sai ly amkym bawibawi sy.

I KORINTH 3:22

Naibaly ati cheaungkhang ly nangchi i ne bebe, Pawla mo, Kipha mo, khaileaung pri mo, heng naira mo, atiti awm angchichi mo, atiti awm ai naichi mo, bawibawi ly nangchi i ne bebe;

I KORINTH 3:7

Hunaibaly ui nai keung py ati sai py ny y leang, tui lei hai nai keung py ati sai py ny y leang, na i py veang hai nai keung Tameuh my leaungrei khyh.

I KORINTH 9:17

Huni ly amymy ngaingai kasa baly kai ly kawn nai vang awm; na i py amymy ngaingai sa nai ny y i py, atiti kry ai nai kalop ly ang au veng bo.

II KORINTH 11:23

Nichi ly Krista i kalop sa nai keungchi ne a? (Khumi kamthu kamta thui teu sy ly), kai naini ne keh; sa akawm naira y py khri pa-rei ty nanai, theaung y tla naira y py khri pa-rei ty nanai, ang pakhau naira y py khri pa-rei nawi nanai, dei naira py neangneang avum bo.

II KORINTH 3:3

Krista i cha, kaichi ai kry hai nai, cha tui y tajiu nai ny y i, Tameuh kangheng i Phailo y tajiu nai teu; lengseaung phei y tajiu nai ny y i, tlang i paleung phei y tajiu nai ne, nanai nangchi ai amteng hai bo.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

II KORINTH 5:18

Na i py ati cheaungkhang ly Tameuh teng i theu nai ne; mymy ly Krista deaungkho y kaichi ai amymy hawi aly hai bo, naibaly aly naira krykeung kalop ang pei bo;

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

EPHESI 3:7

Mymy i atiti sa thai naira i sa nai sai kamta, jawm naimy Tameuh i pahenra ang pei nai kamta ly kai ai huni Satang Kahawi kry ai nai keung y ang palawn nai ne.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:25

mymy i tlang ly palau takhra kamkawm ne. Tameuh i leu thui pi angym ai nai Tameuh my nangchi i vui kai ai ang pei nai kamta, kai ai ly huni theung y krykeung lawn ai nai ang sa hai nai ne.

I TIMOTHEI 1:12

Kai ai ham hai nai keung Krista Isu, achi i Areng teng y ly kawn nai leu kathui pi;

I PETERA 4:10

khumi leaung leaungrei ly sa thai naira nga nai kamta, Tameuh i pahenra amjy cheaungkhang ai kry nai keungchi kamta nangmychi tengtawi akry u leungtang;