I KORINTH 3:23 - Khumi Common Language Bible

²³ naibaly nangchi ly Krista i ne, Krista py Tameuh i ne.

I KORINTH 3:23 ပူးပေါင်းရင်းမြစ်များ

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

JOHAN 17:18

Nangmy kai ai khaileaung pri y pato nai kamta ly kai py nichi ai khaileaung pri y pato teang bo.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

ROM AVANGCHI TENG Y PAWLA I CHA PA NAI 14:8

Achi ly heng baly Areng i vui y heng nai ne: achi ly dei baly Areng i vui y dei nai ne; hunai deaungkho y achi ly heng iy py dei iy py achi ly Areng i ne.

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

I KORINTH 15:23

Na i py leaung leaungrei ly amymy i ka-thui ka-thui awm ai, Krista ly angthau man nai keung, huni bo y ang jeu bi nai kha y ly Krista i ngiereichi.

I KORINTH 15:28

Naibaly Tameuh ly cheaungkhangra y ati cheaungkhang ne thai ai nai, mymy i anui y ati cheaungkhang ai khai pi veng nai khala y ly, Chapo kypkyp ai py mymy i anui y ati cheaungkhang ai khai pi nai keung i anui y awm teang ai.

I KORINTH 7:22

Miseaung y awm nai thym khala y Areng y palau nai ly Areng i miseaung alaw nai ne; hunai kamta khyp teang miseaung alaw nai thym khala y palau nai ly Krista i miseaung ne.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

II KORINTH 10:7

Nangchi ly nangchi i mei ka-niu y atiti awm naichi ai khen u lawh nai ne. Ami py, Kai ly Krista i ne, nanai aym baly, hini ly amymy adawn bi sy: mymy ly Krista i ne nai kamta ly kaichi py ne teang he.

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.