I KORINTH 3:17 - Khumi Common Language Bible

¹⁷ Ami py Tameuh i awm naira ai taphra baly huni khumi ai ly Tameuh my taphra teang ai; Tameuh i awm naira ly kachai ne i, huni ly nangmychi ne.

I KORINTH 3:17 ပူးပေါင်းရင်းမြစ်များ

ATITI AWM ANGCHEI NAI 28:17

Hini ly jei ai hawi parai nai meingtym ne na a! Hini meingtym ly Tameuh awmra yhm, kani katheu pa-kho py ne ai,” nanai jei naimy thui bo.

1 NENG SATANG 29:3

Kai ly hini katalamra vawnsai bawibawichi bo y, kaimy i muku hawi tangka py katalam nai ne. Ati mana nai mo na baly kai ly Tameuh i Achura yhm ai khri pa-rei khrei nai deaungkho y ne.

SAM 74:3

Kaichi i paleung ka-echi ly Achura yhm theung i, ati cheaungkhangchi ai taphra u pawn veng bo; nang ly jeu iy phra veng naichi ai khen ba.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.

SAM 93:5

Aw Areng, nang i reita leu pei naichi ly khaw jojo; nang i Achura yhm py deungtasarei kachai ne.

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

THEU NAI 3:5

Tameuh my, “Sahawi y jeu moh; nang angdo nai meingtym ly kachai ne i, phainai aleng la.”

ISAIA 64:11

Nang ai kaichi i amsi pajochi my palo nai, apu parai nai meingtym kachai Achura yhm ly mai y kang veng bo. Kaichi i khrei nai yhm hlau ngiereichi py, phra seaungkhrang veng bo.

Ezekiela 43:12

Achura yhm i vui reita leaungsaichi ly Achura yhm sa nai mawi saleung verei kachai ne,” napi.

Ezekiela 5:11

Areng my leu pei nai ly “Nangchi ly amso ngai nai cheaungkhangchi sa u iy, Achura yhm ai py chai hai y nai deaungkho y, kai ly Tameuh kangheng ne nai y, nangchi ai pahen y naimy kang tamyh pawn ai.

Ezekiela 7:22

Damrachi ly kai i Achura yhm y athorei my kun iy chai hai y nai khala, kai ly arum hai y ai.

Levi 15:31

Areng ly tai naira umtang y awm nai Tabynako ai amso ngai hai y ai nai, Israela chengchi i vui Mosi teng y pany hai nai ne. Nichi ly Tabynako ai chai hai y lawh baly dei u takengkei ai.

Levi 20:3

Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

Kati Nai 19:20

Reita leaungsai y chai y nai khumi ly kachai sa nai tui hawi amymy ai katheng iy, kachai so y baly, chai y jojo ai. Huni khumi ly Areng i Tabynako ai chai hai y nai ne i, Tameuh i khumichi theung i nai nyn va vui ai.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.