I KORINTH 3:16 - Khumi Common Language Bible

¹⁶ Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 3:16 ပူးပေါင်းရင်းမြစ်များ

Ezekiela 36:27

Kai i phailo nangchi teng y kang pakun pi iy, nangchi ai kai i reita leaungsaichi patawm hai ai. Kai i leu pei naichi py tangai hai ai.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

ROM AVANGCHI TENG Y PAWLA I CHA PA NAI 6:16

Ny y leang. Ami teng y py ni i leu tangai u ai nai nangchi my miseaung y achei u baly (dei ai nai ataing pa-rei kamngo i miseaung y mo, hawi ai naira ataing pa-rei leu tangai ai nai miseaung y mo), nangchi ly mymy i leu tangai u nai miseaung ne, nanai pany u y nai sai a?

ROM AVANGCHI TENG Y PAWLA I CHA PA NAI 6:3

Achi theung y Krista Isu y baptisma nga nai ngiereichi ly mymy i dei naira y baptisma nga nai ne, nanai nangchi pany y nai sai a?

ROM AVANGCHI TENG Y PAWLA I CHA PA NAI 8:11

Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.

ROM AVANGCHI TENG Y PAWLA I CHA PA NAI 8:9

Na i py Tameuh i Phailo ly nangmychi y awm tatang baly, nangchi ly tlang i reita y awm nai ny y i, Phailo i reita y awm u nai teu. Na i py ami py Krista i Phailo by y nai khumi ly mymy i khumi ny y leang.

I KORINTH 3:17

Ami py Tameuh i awm naira ai taphra baly huni khumi ai ly Tameuh my taphra teang ai; Tameuh i awm naira ly kachai ne i, huni ly nangmychi ne.

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

I KORINTH 5:6

Nangchi i am-e nai ly hawi y. Angbo maiden chy naimy tako phi ai ly bom verei num be, nanai pany u y nai sai a?

I KORINTH 6:16

Naibaly bima hawi amtawm nai khumi ly mymy hawi bomrei ne, nanai nangchi pany y nai sai a? Ni my ly, “Nini leaung nyhrei ly tlang bomrei lawn ai bo,” napi be.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

I KORINTH 9:13

Achura yhm kalen pui y atiti kachai kry nai keungchi ly, achura yhm kalen pui i atitichi cha u nai hawi, maicham kalop sa nai keungchi ly maicham hawi phy nga, nanai pany u y nai sai a?

I KORINTH 9:24

Angpreng acham naira y acham naichi bawibawi ly angpreng, na i py kawn nai vang ly leaungrei chy nga khyh, nanai ly nangchi pany y a? Nangchi nga thai ai nai hunai kamta khyp angpreng u.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

I TIMOTHEI 3:15

na i py kai ly awm kra lawh iy Tameuh i dengtheung theung i khumichi ly mana mana awm ai nai tla mo, nanai nang pany thai ai nai kang pa nai ne: huni ly Tameuh Kangheng i palau takhra kamkawm, leu meitang i yhmmawm hawi khai hai naira ne.

II TIMOTHEI 1:14

Nang teng y atiti kahawi ang kry hai nai ly achi i paleung theung y awm nai Phailo kachai i saho y hawihai kry ba.

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I JOHAN 4:12

Ami py mana khala y py Tameuh ai niu vai y leang: achi ly atamen u leungtang baly Tameuh ly amychi y awm jojo ai i, mymy i tamen naira py amychi y angym teang ai.