I KORINTH 2:7 - Khumi Common Language Bible

⁷ Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

I KORINTH 2:7 ပူးပေါင်းရင်းမြစ်များ

SAM 78:2

Amsi pajochi my thui pi nai deaungkho y kaichi thai nai,

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 13:35

Amo my, “Pata nai leu y ly kathui pi ai i, Khaileaung palum angchei khala i dengdairei atiti heu nai ly kathui ai,” nanai thui nai ly tym thai ai nai, mymy ly pata nai leu ny y baly nichi teng y ati sai py thui pi y leang.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

I KORINTH 2:1

Naibaly amjo amnauchi awi, kai ly Tameuh i leu kathiu kang thui pi nai nangchi teng y kang jeu nai khala y ly leu kawp parai nai thui nai hawi, cheng parai naira y py kang jeu nai ny y leang.

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 3:10

Hunaibaly mymy ly achi i Areng Krista Isu y sa ai tau nai ly, mymy i deungtasarei ka-vo khai yb nai kamta, vai ly vai dymkhawn i kani pri meingtym y awm nai areng nairachi hawi aly peang naichi teng y ly,

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 11:3

Tameuh my leu pei nai deaungkho y kani khaileaung sa pyn nai bo, nanai achi ly ym naira deaungkho y pany: hunaibaly atiti niu naichi ai ly atiti awm naichi ai teaung nai deaungkho y sa nai ny y.

I PETERA 1:11

mymychi theung y awm nai Krista i Phailo my ly Krista i patang ai nairachi hawi, huni bo y nang parai naira awm ai naichi satang ly ang pany hai rym nai thym khala y ly, mani neng y mo, mani ka-tawm neng mo ang pany hai, nanai nichi ly hau u reng.

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.