I KORINTH 2:14 - Khumi Common Language Bible

¹⁴ Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

I KORINTH 2:14 ပူးပေါင်းရင်းမြစ်များ

LEU KACHENG 14:6

Paleung asang nai khumichi ly mana khala py, khumi kacheng lawm pajau y; na i py tau cheng nai khumichi ly rai y naimy amtiu thai nai ne.

MATTHAI 16:23

Naibaly mymy ly hi iy Petera teng y, “Setan! Kai i nithun mang y anaw la; nang ly kai i vui atlym ai naira ne; nang ly Tameuh i atitichi dawn y nai ly, khumi i atitichi dawn lawh nai ne na a hi ly,” napi.

JOHAN 10:20

Nawi kyh naichi my ly, “Vawinam my nam nai pathu na a hi ly; ati mana nai ni i leu tangai mo?” napi.

JOHAN 12:37

Isu my huni leu thui iy tako veng i, nichi ai aheu pi veng. Mymy ly nichi i mei ka-niu y atiti rengrang neangneang sa i py nichi ly mymy ai ym y;

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 14:26

Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

JOHAN 8:43

Nangchi my kai i leu thui nai ly ati mana nai pany thai y lawh? Kai i leu tangai u pajau y nai deaungkho y na a.

AMTAW 16:14

Naibaly amyn Ludia, kanih kamsen jeaung jo nai keung, Thuatira avang i khumi, neampachy leaungrei ly kaichi i leu thui nai ly tangai bo, naibaly ni ai ly Pawla i leu thui nai patawm ai nai Areng my mymy i paleung paeaung bo.

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.

AMTAW 18:15

na i py leuchi hawi amynchi, nangmychi i Reita i leura y teu baly, nangmychi my chih u ryp; kai ly hunai ka-tawm leu ly chih ai nai ngai y leang,” napi.

AMTAW 25:19

mymychi i Reita hawi, Isu napi nai leaungrei dei chum nai, Pawla my ly heng bi na a, nanai thui, hunira y mymy i tlang tleaung y leu khrukhrala nai awm nai teu lawh veng.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

I KORINTH 1:25

Ati mana nai mo nabaly Tameuh i cheng y naira ly khumichi tleaung y cheng keh, Tameuh i ham y naira py khumichi tleaung y ham keh lawh teang.

I KORINTH 15:44

khumi i tlang mang y tiu nai awm; phailo mang i tlang y pathau nai awm. Khumi mang i tlang awm baly, phailo mang i tlang py awm teang.

I KORINTH 15:46

Na i py phailo mang i nai ly awm man y leang, khumi mang i nai ly awm man lawh veng; huni bo y ly phailo mang i nai ly awm.

I KORINTH 2:12

Hunaibaly Tameuh i atiti jawm ang pei naichi ly achi pany thai ai nai, achi ly khaileaung pri i phailo nga nai ny y i, Tameuh teng i Phailo nga nai ne.

I KORINTH 3:1

Amjo amnauchi awi, kai ly phailo mang y asa nai khumichi teng y thui pi nai kamta ly nangchi teng y kang thui pi pajau y leang, tlang i kangai my peang naichi, Krista y deungdi chymplei naichi teng y thui pi nai kamta kang thui pi nai teu.

JAKOB 3:15

Hini cheng naira ly salo mang i dengdairei ang kathiu nai ny y leang, khaileaung pri i hawi, tlang i ngai naira i hawi, vawinam teng i theu nai teu.

I JOHAN 2:20

Na i py nangchi ly khumi Kachai teng i dengdairei rimui paju nai nga i, ati cheaungkhang angym pa-rei pany u nai ne.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

JUDA 1:19

Hunichi ly akhawi hai takhra naichi ne, tlang mang y asa nai, Phailo by y naichi ne.