I KORINTH 2:1 - Khumi Common Language Bible

¹ Naibaly amjo amnauchi awi, kai ly Tameuh i leu kathiu kang thui pi nai nangchi teng y kang jeu nai khala y ly leu kawp parai nai thui nai hawi, cheng parai naira y py kang jeu nai ny y leang.

I KORINTH 2:1 ပူးပေါင်းရင်းမြစ်များ

THEU NAI 4:10

Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

AMTAW 22:18

naibaly, ‘Awn ly, Jerusalem i dengdairei theu jau, kai i satang nang thui ai nai ly nichi tangai ai ny y leang he, ang napi thym nai kaniu.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

I KORINTH 1:17

Krista my kai ai baptis sa ai nai pato y leang, Satang Kahawi thui pi ai nai ang pato nai teu; leu kakawp hawi leu kacheng y thui ai nai ny y, ti y baly Krista i kraws ly ati sai py ny y nai palawn lawh na.

I KORINTH 1:6

Krista i leu kang pany hai nai py nangchi ai ang khaw hai nai kamta ly;

I KORINTH 2:13

Achi ly huni atiti pei naichi satang thui pi, khumi i cheng naira patiu nai leu y thui nai ny y, Phailo i patiu nai leu y thui nai teu, phailo mang i satang ly phailo mang i satang hawi dawn pata nai.

I KORINTH 2:4

Naibaly nangchi i ym naira ly khumi i cheng naira y awm y naimy, Tameuh i atiti sa thai naira y awm thai ai nai,

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

II KORINTH 10:10

Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.

II KORINTH 11:6

Kai ly leu thui naira y kaneng by y iy py, pany naira y ly kai ly hunai kamta ny y leang; ne, ati cheaungkhangra y huni ly khumi bawibawichi theung y nangmychi mang y kaichi my amteng hai bo.

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

I TIMOTHEI 1:11

naibaly palo ai ataing nai Tameuh i nang parai nai sai pany hai nai kai teng y kry hai nai Satang Kahawi i patiu nai kamta ny y nai atiti takhrachi i vui py sa nai ne, nanai pany thai pajau.

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

AMTENG HAI NAI 1:2

mymy i miseaung Johan ai huni leu thai hai bo; naibaly mymy ly Tameuh i leu hawi, Isu Krista i thui pi nai leu hawi mymy i atiti niu nai bawibawi py pany hai bo.

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.