I KORINTH 16:22 - Khumi Common Language Bible

²² Ami py Areng ai tamen y baly amsawi lawi nai awm sy.

I KORINTH 16:22 ပူးပေါင်းရင်းမြစ်များ

Solomon i khulym 1:7

Kai i khrei nai awi, nang i beram kanghu ai mani meingtym y teicha patlai ai mo, nanai py, kani thun nai khala mani meingtym y anawn hai ai mo, nanai py kai ai thui pi ba. Kai ly ati mana nai y nang ai takhra beram typ nai keungchi i beram kanghuchi theung y hau ai mo?

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

ISAIA 5:1

Tangai ba, kai i ahawi hawi ni i kreip akhobai molam y hini khulym ly nang ai kaimy kang thui pi ai. Khri pa-rei paitiu khuta hawi nai mawi salo y kai ahawi i kreip akhobai awm.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 14:21

Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 16:14

Ni ly kai ai palo ai; ati mana nai mo nabaly ni ly kai i nai la ai i, nangchi teng y ang thui pi ai.

JOHAN 8:42

Isu my nichi teng y, “Tameuh ly nangchi i Ampo ne i khyly nangchi ly kai ai tamen ai bo: kai ly Tameuh teng i theu nai hawi, ni teng i dengdairei kang jeu nai ne:kaimy ngaingai kang jeu nai ny y leang, ni my ang pato nai teu.

AMTAW 23:14

Naibaly nichi ly pathyp pi nai keung kalenchi hawi miteaung kehchi teng y chei iy, “Kaichi Pawla ai padei y ryrei ly ati sai py pateng y ai nai vaineng abeu khei bo.

ROM AVANGCHI TENG Y PAWLA I CHA PA NAI 9:3

Kai i amjo amnauchi, tlang mang i kai i chengchi i jeng y kai ly Krista teng i nai amprei vui iy, amsawi lawi nai pa-rei py kaawm iy khyly kangai kai ly.

I KORINTH 12:3

Hunai deaungkho y ami py Tameuh i phailo mang i leu thui iy, Isu ly amsawi lawi nai ne, nanai tapi pajeu y; naibaly ami py Phailo Kachai y harei ny y baly Isu ly Areng ne, nanai tapi pajau y, nanai kang pany hai nai ne.

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

PHILIPI 4:5

Nangchi i kham pajau nai sai ly khumi bawibawichi my pany u sy. Areng ly kasa bo.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

I PETERA 2:7

Hunaibaly nangchi ym naichi i vui ly mymy ly vang teng parai nai ne; ym y naichi i vui naini, “Yhm sa nai keungchi i lengseaung ngai y nai ly, Huni kypkyp ai ly taki i lengseaung avo keh nai palawn bo,” nanai hawi,

I JOHAN 4:19

Mymy ly achi ai ang tamen man nai deaungkho y achi ly tamen nai ne.

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

AMTENG HAI NAI 22:20

Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.