I KORINTH 16:2 - Khumi Common Language Bible

² Kai kang jeu nai khala y khai achu nai cheaung nai ly awm y ai nai, kani saryhrei angchei i kani y ly nangchi khumi leaung leaungrei amtheaung naira nga u reng nai kamta khai u achu bawibawi.

I KORINTH 16:2 ပူးပေါင်းရင်းမြစ်များ

ATITI AWM ANGCHEI NAI 26:12

Isaka ly huni pri y hlau sa i Areng my amtheaung hai nai deaungkho y huni saneng naimy amti amjang phy chungvairei pakym ai nai nga.

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 30:30

Kai tym y rai khala nang i tawnbawichi ly maidenreichy khyh, vai ly neangneang peung bo. Kai i saho y Areng ly nang ai amtheaung naira ang pei nai ne. Vai kai ly kaimy i dengtheungchi i vui nang chawn ai nai molam kalop sa ai nai neng tym bo,” napi

ATITI AWM ANGCHEI NAI 32:10

Nang i miseaung kai teng y nang my patei pi nai pahen naira hawi ka-ym awm naira py, kai hawi ataing y nai ne. Jordan tavo angpeang nai khala y, kai teng y cheaungvawi harei awm khyh. Vai kai ly hini phy nyhreichi hawi kavawi ali teang nai bo.

ATITI AWM ANGCHEI NAI 33:11

Pahen parai naimy kai kang pei nai langseaungchi ai talam pi kyh ba. Tameuh my kai i ngai nai ngiereichi py ang pei nai ne,” napi. Jakob my ly talam tanga ai nai pa-rei parawi nai ne i, Esaw ly langseaungchi talam pi bo.

2 NENG SATANG 31:10

Zadok i kangpreang pathyp pi nai keung kalen keh Azariah my, “Mipuichi my hini talam nai vawnsaichi Achura yhm y syn pi nai dengdairei, kaichi cha nei ai nai aleu palai nai ly kamlai awm nai ne. Hina tanrei kaichi nga nai ly Areng my mymy i khumichi ai amtheaung naira pei nai deaungkho y ne,” nanai thui pi.

MARKA 14:8

Mymy ly ni i pajau nai ryrei sa nai teu; kai i tlang up ai nai rimui kaleu rym nai na a hi ly.

LUKA 16:10

Ami py maiden chy naira y py ka-ym awm nai ly neangneangra y py ka-ym awm; ami py maiden chy naira y ka-ym by y nai ly neangneangra y py ka-ym by y.

LUKA 24:1

Naibaly nichi ly Anawn Kani y leu pei nai kamta anawn bo, na i py kani saryhrei angchei i kani khutawi y kyh rai khala y nichi ly atiti rimui sa rym naichi ly syn iy, angawm y chei bo.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 20:26

Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

AMTAW 20:7

Naibaly kani saryhrei angchei i kani, kaichi tako theng baw ai nai achu nai thym khala y, Pawla ly khawn mang y tako ai tau nai deaungkho y mymychi teng y leu hawihai palai thui pi i, aneng hyh pa-rei leu thui veangveang.

II KORINTH 8:10

Hunaibaly hunira y ly kai i dawn nai kathui nai ne; huni ly nangchi i vui hawi veng, nangchi ly sa u amteaung nai keung y lawn u nai ly sanengrei awm veng bo, sa u amteaung nai harei khyp py ny y naimy, ngai py ngai u manme nai ne.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

AMTENG HAI NAI 1:10

Kai ly Areng i kani y ly Phailo y kalawn bo, naibaly kai i nithun mang y baw katyn ka-tawm raawi pajeng parai nai ly,