I KORINTH 16:13 - Khumi Common Language Bible

¹³ Atyp u ly, ym naira y ly khaw pa-rei angdo u, vam u ly., ham parai naimy awm u.

I KORINTH 16:13 ပူးပေါင်းရင်းမြစ်များ

2 SAMUELA 10:12

Achi ly ham parai naimy achi i khumichi hawi achi i Tameuh i marychi i vui atho sa iy tiu u sina! Areng ly mymy i ngai nai kamta so sy!” napi.

1 ARENG KEH 2:2

Samrang my, “Kai ly dei ai nai neng tym bo; nang ly nangmy ai a-ym iy ham parai naimy,

1 NENG SATANG 19:13

Vam nai hawi sorai paleung awm u! Achi ly amychi i khumi, amychi chiu nai Tameuh i marychi vui, atho sa iy tiu u sina. Areng ly mymy i ngai nai kamta ne sy,” nanai Abisai teng y thui pi bo.

1 NENG SATANG 28:10

Areng ly mymy i chai parai nai Achura yhm sa ai nai molam, nang ai vawi takhra bo, nanai nang pany ai nai tla. Hunaibaly vaimy huni Achura yhm sa pajau. Atho ala iy so ba,” napi.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 31:24

Areng ai ajeng nai khumi bawibawichi awi, paleung khaw parai naira awm iy, vam nai paleung awm u.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

DANIELA 11:32

Amy i ym nai reita khai su nai khumichi ai Suria samrang ly ka-kawi paleung ka-khum hawimy, mymy mang y abawi ai nai pahawi ai. Na i py Tameuh ai ka-ym awm nai khumichi my, ni ai tiu u ali teang ai.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.

MATTHAI 25:13

Hunaibaly ajeng u rym paryp, ati mana nai mo nabaly nangchi ly kani py neng py pany y.

MATTHAI 26:41

Parawi naira y kun u y ai nai ajeng u rym paryp naimy chiu so u; phailo my ly angjeng i, tlang my ly ham y,” napi.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 1:24

Kaichi ly nangchi i ym naira y peang ai naira nga kana nai ny y leang, kaichi ly nangchi i kawn ai naira y naini kang sabawm hai nai keung ne kang napi nai teu; nangchi ly ym naira y angdo u nai ne.

KALATIA 5:1

Krista my ly miseaung ny y ai nai ang patheu jau chy bo; hunaibaly khaw pa-rei angdo u ly, miseaung i langvui savan y ly atang u reng moh jau.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 4:1

Hunai deaungkho y amjo amnau ngai parai nai hawi adawn parai naichi, kai i kawn nai hawi kai i areng lukhymchi awi; kai i ngai parai naichi awi, hunai kamta Areng y khaw pa-rei angdo u.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

KOLOSA 4:2

Chiu sa ai nai patlaw u moh ly, hunira y ly kawn nai leu thui u nai tarawi y atyp u;

I THESALONIKA 3:8

Vai ly nangchi ly Areng y phai khaw pa-rei angdo baly kaichi ly heng nai bo.

I THESALONIKA 5:6

Hunai deaungkho y khumi takhrachi i kamta ly i u ngym moh sina ba, amkym iy atyp u sina.

II THESALONIKA 2:15

Hunaibaly amjo amnauchi awi, khaw pa-rei angdo u ly, leu thui nai deaungkho y mo, kaichi i cha pa nai deaungkho y mo, kaichi kang patiu nai leu taviu nai bawibawi ly patawm u cheng cheng.

I TIMOTHEI 6:12

Ym naira i atiu naira y ly atho so; deungtasarei heng naira ai ly amkhaw, huni nga ai nai ang palau chum bo i, nang ly pany nai keung neangneangchi i mo y thai hai nai leu hawi parai nai thui pi bo.

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

II TIMOTHEI 4:5

Na i py nang ly ati cheaungkhangra y amkym ly, patang naira py kham tanga, Satang Kahawi thui pi nai keung y kalop so ly, nang i kry nai kalop ly angym pa-rei py so ba.

II TIMOTHEI 4:7

Angpreng acham naira y atho kasa iy tem pa-rei kangpreang bo: ym naira ai ly katyp me chum veng bo.

JOSUA 1:18

Nang i peang nai akhi vui iy, leu pei nai ngai y nai khumi ly dei naira avum ai. Hunai deaungkho y atho sa iy vam parai naimy awm ba,” nanai pathang u bo.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

AMTENG HAI NAI 16:15

(Khen cham, kangviu kamta kang jeu ai: atyp iy mymy i kanih kry nai khumi ly taham hawi, ti y baly ni y tlang ka-keu pavai iy angji ngailai nai sai ang niu lawh na.)

1 SAMUELA 4:9

Philistia chengchi awi, paleung sorai u sy, neampacho luitang kamta tiu u, ti y baly Hebrai chengchi ly achi teng y miseaung achei reng nai kamta, achi ly nichi y teng miseaung achei ai nai tla ai; hunai deaungkho y neampacho luitang kamta tiu u!” napi.