I KORINTH 15:57 - Khumi Common Language Bible

⁵⁷ na i py achi i Areng Isu Krista i saho y pajau naira ang pei nai keung Tameuh teng y ly kawn nai leu tym sy.

I KORINTH 15:57 ပူးပေါင်းရင်းမြစ်များ

2 ARENG KEH 5:1

Suria tavailu areng Neaman ai ly Suria samrang my, khri pa-rei tahm khai nai ne. Ati mana nai mo nabaly Neaman saho y Areng ly Suria tavaimichi ai, tavai eaung hai nai deaungkho y ne. Neaman ly sorai pui leaungrei ne i py, ka-jei awm nai keaungsi man bo.

1 NENG SATANG 22:11

Naibaly Davida my, “Deang awi, nang i Areng Tameuh ly nang hawi vanrei awm hai sy. Adeu nai kamta nang ly mymy i vui Achura yhm sa nai amcheang sy.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

LEU KACHENG 21:31

Khumichi ly tavai atiu ai nai vui y, keaungngochi angveirym pajau. Na i py eaung naira pei nai keung ly Areng ne.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

AMTAW 27:35

Naibaly mymy ly huni leu thui pajau iy tako la i, khumi bawibawi i mo Tameuh teng y kawn nai leu thui bo; naibaly kadi iy cha amteaung bo.

ROM AVANGCHI TENG Y PAWLA I CHA PA NAI 7:25

Isu Krista achi i Areng i saho y Tameuh teng y kawn nai leu tym sy! Hunaibaly kaimy tatang ly kaimy i paleung y ly Tameuh i Reita i miseaung y kalawn, na i py kai i tlang y ly kamngo reita i miseaung y kalawn bo.

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

I KORINTH 15:51

Khen cham, nangchi ai leu kathiu kang thui pi nai he; achi bawibawi ly i ngym y ai, na i py achi bawibawi ai ly kangkhym kangtem i baw tyn nai khala y ly kra y nai sala chy y, mei amsymrei ny y nai sala y my ang takhra hai bebe ai;

II KORINTH 1:11

naibaly khumi neangneangchi i saho y kaichi i tlang tleaung y sa thai naira ang pei nai deaungkho y, khumi neangneangchi ly kaichi i tlang tleaung y kawn nai leu thui u thai ai nai, nangchi py kaichi ai chiu sa pi naira y aso hai adyh preuh.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 9:15

Tameuh i pei nai ly den py thui pajau y nanai deaungkho y mymy teng y kawn nai leu tym sy.

EPHESI 5:20

achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

HEBRAI 2:14

Hunaibaly mymy ly dei naira i saho y dei naira ai aly peang nai keung (huni ly Diabola ne), tama hai thai ai nai hawi, dei naira ai jei nai deaungkho y heng nai sala y miseaung y awm nai bawibawichi ai ly lawi hai thai ai nai,

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.