I KORINTH 15:26 - Khumi Common Language Bible

²⁶ Kangkhym kangtem i tama hai ai nai paleung ka-e ai ly dei naira ne he.

I KORINTH 15:26 ပူးပေါင်းရင်းမြစ်များ

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

LUKA 20:36

nichi ly dei py dei ali thai y leang bo; nichi ly kani pri i amtaw thau naichi kamta tanrei awm; nichi ly angthau bi nai chanau lawn nai deaungkho y Tameuh i chanauchi ne.

I KORINTH 15:55

Aw dei naira, nang i pajau naira ly ma mang y awm veng mo? Aw dei naira, nang i thailai ly ma mang y awm veng mo?

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

HEBRAI 2:14

Hunaibaly mymy ly dei naira i saho y dei naira ai aly peang nai keung (huni ly Diabola ne), tama hai thai ai nai hawi, dei naira ai jei nai deaungkho y heng nai sala y miseaung y awm nai bawibawichi ai ly lawi hai thai ai nai,

AMTENG HAI NAI 20:13

Naibaly pangli ly mymy teng y awm nai khumi kadeichi ai theu hai bo; dei naira hawi tavau kho py hunichi teng y awm nai khumi kadeichi ai py theu hai bo; naibaly nichi leaung leaungrei ai ly mymychi i atiti sa naichi kamta tara chih pi bo.

AMTENG HAI NAI 20:14

Naibaly dei naira hawi tavaukho ly mai ang y aphi hawi vui bo. Huni ly pa-nyh dei naira, mai ang napi nai ne.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.