I KORINTH 15:24 - Khumi Common Language Bible

²⁴ Hunaibaly mymy ly peang naira bawibawi hawi, aly peang naira hawi, atiti sa thai naira bawibawichi ai tama hai iy, Tameuh teng y, Ampo kypkyp teng y ly peang naira ang pei nai bo y ly neng tem veng ai bo;

I KORINTH 15:24 ပူးပေါင်းရင်းမြစ်များ

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

DANIELA 12:13

“Aw Daniela awi, nang py tem khala khrairei ka-ym awm ba. Hunaibaly nang ly dei ai. Na i py nang ly kani kangkhym i neng tem nai khala ly kawn vang nga ai nai ang thau ali teang ai,” napi.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

DANIELA 12:9

Ni my pathang nai ly “Daniela awi, khaileaung pri tem khala khrairei, hini leuchi ai tamym me nai deaungkho y vai, nang ly chei ai nai tla ai.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 24:13

Na i py tem khala y khrairei kham pajau nai ngierei ly huni khumi kypkyp ly hengra nga ai.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 3:35

Ampo my Chapo ai tamen i, ati cheaungkhang bawibawi ai ly ni teng y au bo.

ROM AVANGCHI TENG Y PAWLA I CHA PA NAI 8:38

Dei nairachi, heng nairachi, kani pri i amtaw thau naichi, areng nairachi, atiti awm angchichi,

EPHESI 5:20

achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

KOLOSA 2:10

Nangchi ly mymy y ly angym teang; ni ly areng naira hawi aly peang naira bawibawi i lu ne.

KOLOSA 2:15

naibaly mymy ly areng nairachi hawi aly peang nairachi ai ly leng iy kamtawi y my hunichi ai amteng hai nai teaung nai, kraws y ly hunichi ai pajau bo.

I TIMOTHEI 6:15

Ni ly palo ai ataing nai Aly Peang nai Keung leaungrei awm khyh nai, samrangchi i Samrang, arengchi i Areng ne:

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.