I KORINTH 15:2 - Khumi Common Language Bible

² kai i leu kang thui pi nai ly nangchi ly ym u rumrang nai ny y iy hawihai patawm u cheng baly, hunira y nangchi ly hengra nga u dudu nai bo.

I KORINTH 15:2 ပူးပေါင်းရင်းမြစ်များ

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

LEU KACHENG 3:1

Deang awi, kai i patiu pi naichi tami moh; kai i leu pei naichi pany jo ba.

LEU KACHENG 4:13

Nangmy i ngai nai cheng naira ai ly pany jo ba. Nang i ngai nai cheng naira ly nang i heng naira ne; huni ai ly hawihai kry ba.

LUKA 8:13

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

AMTAW 2:47

Naibaly khumi bawibawichi ly nichi ai kawn hai. Naibaly paheng dudu nai ngiereichi ai ly Areng my kani tleirei nichi teng y panawi hai ryhryh.

AMTAW 8:13

Naibaly Simon khrairei ym rau bo; naibaly mymy ly baptisma nga pajau iy Philipa teng y awm jo i, ka-ma-rachi hawi khrikhri pa-rei lyh ai awm nai sa naichi niu i, rengrang tlai ly, napi.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

I KORINTH 11:2

Naibaly nangchi ly ati cheaungkhangra y kai ai pany u jo nai deaungkho y hawi, leu taviu nai kang thui pi nai kamta khyp pateung u cheng jojo nai deaungkho y py kang palo mang.

I KORINTH 15:14

naibaly Krista ai pathau nai by y baly, achi i leu thui nai ly ati sai py ny y i, nangchi i ym nai py ati sai py ny y leang.

II KORINTH 2:15

Kaichi ly paheng dudu naichi hawi tama dudu naichi theung y py Tameuh teng y Krista i mui katui ne;

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 3:4

Nangchi ly huna tanrei atiti patang u rumrang a? (Patang rumrang tatang nai ne i khyly.)

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

II THESALONIKA 2:15

Hunaibaly amjo amnauchi awi, khaw pa-rei angdo u ly, leu thui nai deaungkho y mo, kaichi i cha pa nai deaungkho y mo, kaichi kang patiu nai leu taviu nai bawibawi ly patawm u cheng cheng.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 2:1

Hunai deaungkho y achi ly achi i kano y thai naichi ly hawihai palai dawn nai tleaung y dawn ra ai nai tla, ti y baly achi ly ajau vui lawh na.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

JAKOB 2:14

Amjo amnauchi awi, ami mo, “Kai ly ym naira awm,” nanai thui i py, atiti sa nai by y pui baly ati amran ai mo?

JAKOB 2:17

Hunai kamta teang ym naira ly atiti sa nai abawi y baly, mymy tlanrei awm khyh nai ly dei nai khyh bo.

JAKOB 2:26

Phailo abawi y baly tlang ly dei nai ne, hunai kamta teang atiti sa naira abawi y baly ym naira py dei nai ne.