I KORINTH 14:6 - Khumi Common Language Bible

⁶ Naibaly vai ly amjo amnauchi awi, kai ly leu athai y nai thui iy nangchi teng y kang jeu iy khyly, amteng hai naira mang y mo, pany naira mang y mo, leu thui naira mang y mo, patiu naira mang y mo, nangchi teng y kang thui pi y baly kai ly nangchi ai ati amran hai ai mo?

I KORINTH 14:6 ပူးပေါင်းရင်းမြစ်များ

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 16:17

Naibaly Isu my ni teng y, “Simon Bar-Jona, nang ly taham hawi mang: huni satang ly thi hawi ngan ly nang teng y amteng hai nai ny y leang, kani pri mang i Ngaai my amteng hai nai teu.

MATTHAI 16:26

Ami py hini khaileaung pri bomrei nga iy, amy i hengra tamo lawh sy, mymy i vui ati amran ai mo? Ti y baly ami my mymy i hengra i jeng y ati pei ai mo?

AMTAW 2:42

Naibaly nichi ly abangnaichi i leu patiu naira y hawi amkawm naira y hawi, tako theng baw naira y hawi, chiu sa naira y py hawihai palai awm u jo.

ROM AVANGCHI TENG Y PAWLA I CHA PA NAI 15:14

Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.

ROM AVANGCHI TENG Y PAWLA I CHA PA NAI 6:17

Na i py nangchi ly kamngo miseaung ne teu iy py, ang au nai patiu nai reita teng y ly paleung y tangai u bo;

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 14:1

Tamen naira ai ly hui u veangveang ly; ne mang ly phailo mang i atiti sa thai nairachi pei nai ai py khri pa-rei ngai u; na i py nangchi ly leu thui thai ai naira ai ipsaly khri pa-rei ngai u ba.

I KORINTH 14:7

Atiti hengra by y nai tyn thai naichi py, byhlyh mo, taro mo ly, sailang kamny tyn y baly atiti eng mo, nanai mana pany thai ai mo?

II KORINTH 11:6

Kai ly leu thui naira y kaneng by y iy py, pany naira y ly kai ly hunai kamta ny y leang; ne, ati cheaungkhangra y huni ly khumi bawibawichi theung y nangmychi mang y kaichi my amteng hai bo.

II KORINTH 12:1

Avo y i py kai ly kamlyh tanga ai nai tla: na i py Areng teng i dengdairei amteng hai naira hawi pany hai naira leu kathui patawm veangveang ai.

II KORINTH 12:7

Naibaly amteng hai nairachi ly khri pa-rei ty nanai deaungkho y tahm ka-pasang ala y ai nai, tlang y patho sprym ang viu hai nai ne, huni ly Setan i amtaw thau nai kai ai tapheu piupa nai ne, ti y baly tahm ka-pasang ala lawh na.

EPHESI 1:17

mymy ai pany naira y cheng nai hawi, hawihai pany nai phailo ang pei thai ai nai, kai i chiu sa naira y ly nangchi ai chiu sa hai iy, nangchi i tlang tleaung y kawn nai leu thui nai ly ka-nawn y leang;

EPHESI 3:4

huni deaungkho y nangchi phain u baly kai i Krista i leu kathiu pany thai nai sai ly nangchi pany u pajau ai.

PHILIPI 3:15

Hunaibaly cheang nai ngiereichi ly hunai kamta paleung takhra apu nai awm u sina; naibaly atira y py paleung takhra apu u nai ne baly, huni py Tameuh my ang pany hai ai mang.

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

II TIMOTHEI 3:10

Na i py nang ly kai i patiu nai, amhi amtlau nai sai, sa tau nai sai, ym nai sai, amnym nai sai, tamen nai sai, kham pajau nai sai, kai ai ana nai sai, patang nai sai,

II TIMOTHEI 3:16

Tameuh i cha-iu leu bawibawi ly Tameuh i taho hai nai kamhui ne, naibaly Tameuh ai dawn nai khumi ly atiti kahawi cheaungkhang sa ai nai angym pa-rei my amthyp angym thai ai nai,

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

II PETERA 1:5

Ne, huni deaungkho y khypkhyp nangchi ly ajeng u ryry iy, nangchi i ym naira y ly hawi naira abawi u ly, naibaly hawi naira y ly pany naira abawi u ly,

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

II JOHAN 1:9

Ami py Krista i patiu nai leu y awm jo y iy katlen vui nai keung ngierei teng y ly Tameuh by y:huni patiu nai leu y awm jo nai keung ly, huni khumi kypkyp teng y ly Ampo hawi Chapo py awm abom mei nai ne.

1 SAMUELA 12:21

Tapawp nai tameuhchi teng y ly abang u moh; huni tameuhchi ly tameuh tatang ny y nai deaungkho y, nangchi ai sabawm ai nai py, atleu ai nai py kawp u y leang.