I KORINTH 14:4 - Khumi Common Language Bible

⁴ Leu athai y nai thui nai keung ly amy leaungrei ai akhaw hai nai teu, leu thui nai keung naini palau takhra kamkawm ai khaw hai nai ne.

I KORINTH 14:4 ပူးပေါင်းရင်းမြစ်များ

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

I KORINTH 13:1

Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

I KORINTH 13:2

Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.

I KORINTH 14:12

Hunaibaly nangchi py phailo mang i atiti sa thai nairachi pei nai ai khri pa-rei ngai u nai deaungkho y, palau takhra kamkawm ai khaw hai ai nai kawp pa-rei sa ai nai hau u.

I KORINTH 14:22

Hunai deaungkho y leu athai y naichi ly ym naichi i vui ka-ma-ra ny y leang, ym y naichi i vui teu; leu thui nai naini ym y naichi i vui ka-ma-ra ny y leang, ym naichi i vui teu.

I KORINTH 14:26

Amjo amnauchi awi, tumbaly mana sa ai mo? Nangchi ly achu u nai khala y ly leaung leaungrei ly palo nai khulym mo, leu patiu nai mo, amteng hai nai leu mo, leu athai y nai mo, thui pi pachai nai leu mo awm u bawibawi veng.

I KORINTH 14:3

Leu thui nai keung naini khumichi teng y khaw hai nai leu hawi, pachei nai leu hawi, awm hai nem nai leu py thui reng.

I KORINTH 14:5

Naibaly nangchi bawibawi ly leu athai y nai thui ai nai kang ngai hai, na i py nangchi ly leu thui ai nai ipsaly kang ngai hai ra nai ne; palau takhra kamkawm ly khaw hai naira nga thai ai nai, thui pi pachai nai ny y baly leu thui nai keung ly leu athai y nai thui nai keung tleaung y tahm asang keh.