I KORINTH 14:36 - Khumi Common Language Bible

³⁶ Mana! Tameuh i leu ly nangmychi teng i theu nai a? Ti y baly nangmychi teng y harei tym nai khyh a?

I KORINTH 14:36 ပူးပေါင်းရင်းမြစ်များ

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ZEKHARIAH 14:8

Huni neng kani ang tym nai khala y, Jerusalem mary i dengdairei micheaung tuichi leaung ai. Huni tui ka-hyhrei nai ly pangli kadei theung y, takhra ka-hyhrei nai ly Mrethe pangli theung y saneng jeungrei, kaseih y py, kanipui y py, leaung jo ai.

AMTAW 17:1

Naibaly nichi ly Amphipoli avang hawi Apolonia avang y tako prei i, Thesalonika avang y tym bo, hu y ly Judachi i achura yhm awm;

AMTAW 17:15

Naibaly Pawla ai tha nai keungchi my ly Atheni avang y tym pa-rei ni ai pahawi; naibaly Sila nini Timothei ly kamjau ryrei mymy teng y tym praw ai nai leu taviu nai syn i vawi veng bo.

I KORINTH 14:35

Naibaly nichi ly ati py amtiu ai nai ngai u baly, yhm mang y mymychi i juvochi teng y deng u sy; palau takhra kamkawmchi i achu naira y neampachy leu thui nai ly angji ngailai veng.

I KORINTH 14:37

Ami py leu thui nai keung y mo, phailo mang y asa nai keung y mo apalawn baly, nangchi teng y kai i leu tajiu nai ly Areng my leu ang pei nai ne, nanai pany sy.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

I THESALONIKA 1:8

Ati mana nai mo nabaly Areng i leu ly nangmychi i dengdairei amthang veng bo i, Makedonia hawi Akaia pri y khyh ny y naimy, meingtym tleirei y py nangchi i Tameuh ai ym u nai sai ly amthang veng bo; hunaibaly kaichi my ati sai py thui ai nai aly ngai y leang bo.