I KORINTH 14:25 - Khumi Common Language Bible

²⁵ hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

I KORINTH 14:25 ပူးပေါင်းရင်းမြစ်များ

ATITI AWM ANGCHEI NAI 44:14

Juda hawi amjo amnauchi ly Josepha i yhm y tym u i, ni ai hu y avum. Nichi ly Josepha i mo y lu meung iy chiu u bo.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

LUKA 17:16

mymy i kheu keung y ambeu iy kawn nai leu thui; huni ly samari khumi ne.

LUKA 5:8

Naibaly Simon Petera ly huna nai niu baly Isu i kheukhu ahawi y ambeu iy, “Areng, kai ai khai su ba, kai ly khumi kamngo he,” napi.

LUKA 8:28

Naibaly ni ly Isu ai niu baly aeu iy, ni i mo y ambeu i athorei my, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Hini kang takeng nai bo he, kai ai patang hai moh kyh jemjem ba,” napi.

JOHAN 4:19

Neampachy my ni teng y, “Areng, nang ly amo ne, nanai kai pany bo.

AMTAW 4:13

Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

Leu Thui Nai 9:18

Nangchi ly Areng ai hi vui iy kado theu hai nai deaungkho y, kai ly kani vui palyhrei ati sai py cho nei y naimy khaileaung y ambeu iy kachiu bi nai ne.

AMTENG HAI NAI 19:4

Naibaly miteaung keh leaung apom phai palyhreichi hawi, heng nai amjy palyhreichi py ambeu u i, “Amen. Haleluja,” na naimy areng atehra tleaung y ateh nai Tameuh ai ly chiu u bo.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.

1 SAMUELA 9:19

Samuela my, “Mo mang i satang thui thai nai keung ly kai na a; chiu nai meingtym mang y kai i mo mang tako man; vaini nangni leaung nyhrei ly kai hawi vanrei cha-nei ai. Khawndam khutawi nai khala y, nangni i deng nai bawibawi kang pathang pi chum baly, nangni ai yhm mang y kang pato teang ai mang.