I KORINTH 14:20 - Khumi Common Language Bible

²⁰ Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

I KORINTH 14:20 ပူးပေါင်းရင်းမြစ်များ

NEHEMIA 4:13

Hunai deaungkho y kai ly khumi mipuichi teng y haisau, tivi hawi thailihochi syn hai iy, pajau be y rai nai mary apaichi nithun mang y, nupai ka-thui meingtym la hai bo.

SAM 119:99

Kai ly nang i thui parip nai saichi ai adawn pasym jo nai deaungkho y, kai i sara bawibawichi tleaung y pany nai ne.

ISAIA 11:3

Mymy i leu tangai nai hawimy amo theu ai. Ni ly mei hawi niu nai ryrei, ti y baly thai pateang nai ryrei my tara chih pi ai ny y.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 18:3

“Meitang khyp kang thui pi, nangchi ly adawn ali teang iy deaungdi chychi kamta lawn y baly kani pri y kun u ai nai ly aveng.

MATTHAI 19:14

Na i py Isu my ly, “Deaungdi chychi ai kai teng y jeu ai nai pei u ly, paka u reng moh: kani pri my peang naira ly hina naichi i vui teu,” napi.

MATTHAI 19:4

Naibaly mymy ly, “Nini ai sa nai keung my ly angchei khala i dengdairei neampo hawi neampachy nini ai sa iy,

MARKA 10:15

Meitang khyp kang thui pi, ami py Tameuh i peang nai ly deaungdichy my kawn nai ka-tawm kawn y nai ngierei ly theung y kun ai nai ly aveng,” napi.

LUKA 18:17

Meitang khyp kang thui pi, ami py Tameuh i peang nai ly deaungdichy my kawn nai ka-tawm kawn y nai ngierei ly theung y kun ai nai ly aveng,” napi.

ROM AVANGCHI TENG Y PAWLA I CHA PA NAI 1:13

Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

ROM AVANGCHI TENG Y PAWLA I CHA PA NAI 16:19

Nangchi i leu tangai nai sai ly khumi bawibawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly atiti kahawi mang y ly cheng u iy, kamngo mang y ly cheng u y ai nai kang ngai.

I KORINTH 13:11

Kai ly deaungdi khala y ly deaungdi i leu kamta katheu i, deaungdi i pany nai kamta kapany iy, deaungdi i dawn nai kamta kadawn; vai ly khumi kacheang nai bo y ly deaungdi i sa nai sai ly ka-nawn bo.

I KORINTH 14:19

na i py palau takhra kamkawmchi i achu naira y ly leu athai y nai meaungkateaungrei thui nai tleaung y ly, khumi takhrachi ai kapatiu thai ai nai, kaimy i pany thai naira y leu sai pangrei chy thui ai nai kangai keh.

I KORINTH 2:6

Na i py kaichi ly khumi ka-cheangchi theung y ly cheng nai leu thui pi; na i py hini khaileaung pri i cheng nai leu ny y leang, hini khaileaung pri i peang nai keung tama ai naichi i cheng nai leu py ny y leang.

EPHESI 4:13

Krista i tlang amcheang hai ai nai py, phyreichi ai ly amtaw thau naichi lawn ai nai py, phyreichi ai ly leu thui nai keungchi lawn ai nai py, phyreichi ai ly Satang Kahawi thui ai nai keung lawn ai nai py, phyreichi ai ly Pastor hawi patiu ai nai keung lawn ai nai py pei bo;

PHILIPI 1:9

Naibaly kai ly nangchi i tamen naira my pany angym naira hawi dawn pata kawp naira cheaungkhangra y awm nai tleaung y awm ra ai nai chiu kasa reng;

PHILIPI 3:15

Hunaibaly cheang nai ngiereichi ly hunai kamta paleung takhra apu nai awm u sina; naibaly atira y py paleung takhra apu u nai ne baly, huni py Tameuh my ang pany hai ai mang.

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.