I KORINTH 14:1 - Khumi Common Language Bible

¹ Tamen naira ai ly hui u veangveang ly; ne mang ly phailo mang i atiti sa thai nairachi pei nai ai py khri pa-rei ngai u; na i py nangchi ly leu thui thai ai naira ai ipsaly khri pa-rei ngai u ba.

I KORINTH 14:1 ပူးပေါင်းရင်းမြစ်များ

LEU KACHENG 15:9

Areng ly khumi hawi y naichi i reita lam ai ly paso; na i py leu meitang teaung nai khumichi ai ly khrei nai ne.

LEU KACHENG 21:21

Neaung hawi iy pahen reng nai khumi ly heng sau ai. Khumi takhra my tahm khai ai i, hawihai palai my amkawm ai.

ISAIA 51:1

Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ROM AVANGCHI TENG Y PAWLA I CHA PA NAI 12:6

Naibaly achi ai pahenra ang pei nai kamta achi ly sa thai naira takhra takhra awm bawibawi; leu thui ai nai tla baly achi i ym nai kamta hawi khyp nai ryrei thui u sina;

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

ROM AVANGCHI TENG Y PAWLA I CHA PA NAI 9:30

Tumbaly achi ly mana thui ai mo? Hawi naira hui y nai Cheng Takhrachi ly hawi naira ai kai nai bo, huni ly ym nai deaungkho y hawi naira ne.

I KORINTH 12:1

Naibaly amjo amnauchi awi, phailo mang i atiti sa thai nairachi pei nai satang ly nangchi pany y ai nai kangai y leang.

I KORINTH 12:31

Na i py nangchi ly atiti pei naira len keh naichi ai phai khri pa-rei hui u. Naibaly kai ly nangchi ai hawi tleaung y hawi ra nai lam kang patei ai.

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

I KORINTH 13:2

Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.

I KORINTH 14:22

Hunai deaungkho y leu athai y naichi ly ym naichi i vui ka-ma-ra ny y leang, ym y naichi i vui teu; leu thui nai naini ym y naichi i vui ka-ma-ra ny y leang, ym naichi i vui teu.

I KORINTH 14:37

Ami py leu thui nai keung y mo, phailo mang y asa nai keung y mo apalawn baly, nangchi teng y kai i leu tajiu nai ly Areng my leu ang pei nai ne, nanai pany sy.

I KORINTH 14:39

Hunaibaly amjo amnauchi awi, leu thui ai nai ly khri pa-rei ngai u, naibaly leu athai y nai thui nai py kam u moh;

I KORINTH 16:14

Nangchi i sa nai ngierei ly tamen naira y sa nai ne bebe sy.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

I THESALONIKA 5:20

leu thui nai ai ly tahm khai y nai awm u moh;

I TIMOTHEI 4:14

Naibaly miteaung kehchi ly nangmy i tlang tleaung y kiu tamam iy, leu thui u rym nai deaungkho y nang i paleung theung y Phailo i sa thai naira ang nga hai nai ly patlaw jo moh.

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

II PETERA 1:7

naibaly Tameuh ai dawn ryhryh naira y ly amjo amnauchi ai aniu ngai naira abawi u ly, naibaly amjo amnauchi ai aniu ngai naira y ly tamen naira abawi u.

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.

1 SAMUELA 10:5

Naibaly nang ly Philistia khumichi i tai nai meingtym Kibeah mary Tameuh i mawi y chei kalau ai nai tla. Mary apai pa-khora y nang ly taro katheang kalen, byhlyhchi, eng nai beu naimy, mawi saleung maicham i dengdairei, ang satla kathiu nai amochi hawi avum ai; nichi ly lam naimy aeu u ai.