I KORINTH 13:9 - Khumi Common Language Bible

⁹ Achi ly angym y naimy pany i, achi ly angym y naimy leu thui nai ne.

I KORINTH 13:9 ပူးပေါင်းရင်းမြစ်များ

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

SAM 139:6

Kai i satang angym pa-rei nang pany nai ly lyh ai hawi parai; huni pany nai sai ly kai pany pajau y na pa-rei thiu parai.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

LEU KACHENG 30:4

Ami nai ly kani pri hawi amtawn abi nai cheng naira angym pa-rei pany vai mo? Ami nai ly ali ai kiu hawi patiu nai nga vai mo? Ami nai ly tui ai kanih hawi tapau vai mo? Khaileaung pri i khujyh ai ami my pata pi vai mo? Huna nai khumi ly ami mo? Ni i chapo ly ami mo, nang pany a?

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

ROM AVANGCHI TENG Y PAWLA I CHA PA NAI 11:34

Areng i paleung ly ami pany mo? Mymy ai ka-vo dawn hai ai nai py ami mo?

I KORINTH 13:10

Na i py angym naira ang tym nai khala y ly angym y naira ai ly anawn hai ai.

I KORINTH 13:12

Vai ly achi ly dengkhang apui y niu vuivai nai ne, na i py hunai khala y ly moatha ai; vai ly angym y nai kapany, na i py hunai khala y ly kai ai ang pany angym nai kamta kai py kapany angym ai.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

I KORINTH 8:2

Khumi ami py atiti mo pany, nanai athang akhai baly mymy ly mymy i pany ai nai ka-tawm pany y leang rai;

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.