I KORINTH 13:5 - Khumi Common Language Bible

⁵ amhi amtlau nai sai py apu y nai by y, amy i vui py hau y, kado theu ai nai py ngai y,

I KORINTH 13:5 ပူးပေါင်းရင်းမြစ်များ

2 SAMUELA 10:3

Ammon chengchi ai lu sa nai keungchi my mymychi i samrang teng y, “Davida ly ngampo ai tahm pasang ai nai i vui y, hini khumichi ai ang pato nai ne, nanai athang khai a? Ny y leang! Ni ly achi ai tiu pajau ai nai, mary i awm nai sai pany ai nai khen paviu nai keungchi kamta, nichi ai ang pato nai teu!” napi u.

JOBA 21:27

Nangchi paleung angai y nai katauchi kai pany.

LEU KACHENG 14:17

Paleung dawi nai khumichi ly ka-khum kalopchi sa reng; cheng nai khumichi ly paleung amkyn thai.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

Kati Nai 12:3

(Mosi ly paleung apanem nai khumi ne; khaileaung pri y ni kamta paleung apanem nai khumi ami py by y.)

Kati Nai 16:15

Hunaibaly Mosi ly nini i tlang tleaung y khri pa-rei kado theu i Areng teng y, “Hini khumichi i talam nai kapathyprachi ly kawn pi mo kyh. Kai ly nichi theung i leaungrei ai py hawi y nai kaso y leang. Nichi teng i keaungngo kano kasau harei py kalo pi vai y leang,” napi.

Kati Nai 32:6

Naibaly Mosi my, “Nangchi nupaichi tavai thau u nai thym khala, nangchi ly hini meingtym y awm u jo ai ngai nai sai a?

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MATTHAI 9:4

Naibaly Isu ly nichi i dawn nai ly pany i, “Nangchi ly ati mana nai nangchi i paleung y kamngo nai dawn u lawh?

MARKA 3:5

Na i py nichi ly sai py katheu y. Naibaly nichi i paleung kyh chawn veng nai sai ly mymy ai khri pa-rei paleung mawn hai i, mymy ly kado theu naimy nichi ai khen akiprei nai bo y huni khumi teng y, “Nang i kiu pataw,” napi. Hunaibaly ni ly pataw i, kiu ly hawi teang bo.

LUKA 7:39

Naibaly mymy ai chi nai keung Pharisai ly huna nai niu baly mymy i paleung theung y, “Hini khumi ly amo ne i khyly mymy ai nam nai keung neampachy ly ami mo, mana nai khumi mo, nanai pany ai bo, ni ly khumi kamngo nai i,” napi.

I KORINTH 10:24

Ami py amy i hawi ai naira hau y naimy, saleaungchi i hawi ai naira hau sy.

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

I KORINTH 11:18

Angchei i naira y ly nangchi ly kamkawm kamta achu u iy, nangchi theung y akhawi takhra naira awm reng, nanai amichi i thui nai kathai; kai ly ym py kaym hup lawh.

I KORINTH 12:25

Tameuh my apu naira by y nai kangprei ai ly tahm pasang keh lawh iy tlang ai ly padyh achu veng bo.

I KORINTH 7:36

Na i py ami py mymy i chaniu anglo kachai i tlang tleaung y sa nai sai teng y, nanai athang khai baly, ni ly hawi thym nai ne iy aly aeang baly, mymy ly mymy i ngai nai so sy, mymy ly kamngo tlo y leang; apom hawi sy.

II KORINTH 5:19

huna nai Tameuh my Krista y khaileaung pri ai ly amymy hawi aly hai nai ne, nichi i taphra nairachi ly mymychi i tlang tleaung y taphra nairachi palawn pi y naimy, kaichi ai aly naira leu ang au nai bo.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

PHILIPI 2:21

Nichi bawibawi ly Isu Krista i vui hau y naimy amy i vui hau u lawh veng.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

II THESALONIKA 3:7

Nangmychi kypkyp my kaichi i amtiu ai nai khumichi lawn ai nai tla, nanai nangmychi pany u veng bo; ati mana nai mo nabaly kaichi ly nangchi theung y reita kamta ny y nai kang awm vai y ly;

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

II TIMOTHEI 4:16

Kai i eaung nai leu thui man nai kha y ami py kai ai sabawm y; bawibawichi ly kai ai khai su bebe lawh veng; huni ly mymychi i tlang tleaung y tym moh sy.

JAKOB 1:19

Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;