I KORINTH 13:2 - Khumi Common Language Bible

² Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.

I KORINTH 13:2 ပူးပေါင်းရင်းမြစ်များ

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

MATTHAI 17:20

Naibaly mymy ly nichi teng y, “Nangchi ly ym naira di nai deaungkho y teu. Meitang khyp kang thui pi, nangchi ly anmawi hm amairei kamta ym naira awm baly, hini mawi ka-sang teng y, ‘Hi i nai huni meingtym y asyh,’ napi ai i asyh ryp ai; nangchi i vui so thai y nai sai py awm ai ny y ai.

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 21:21

Naibaly Isu my nichi teng y, “Meitang khyp kang thui pi, nangchi ly ym naira awm iy, ym thai y nai by y baly, nangchi ly thaidu keung y sa nai kamta sa khyh nai ny y i, hini mawi ka-sang teng y py, ‘Asyh ly, pangli tui y aphi vui,’ napi baly nangchi i thui nai kamta tym ai.

AMTAW 13:1

Naibaly Antiokei avang y awm nai palau takhra kamkawmchi theung y ly Tameuh i leu thui nai keung hawi patiu nai keungchi py awm; hunichi ly Barnaba hawi Sumeon, Nikera napi nai hawi, Kurini avang i khumi Lukia py, Areng Heroda i amjo amnau lawn nai Manain hawi, Sawla py.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 15:14

Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

I KORINTH 11:4

Neampacho ly lu amym naimy chiu sa nai mo, leu thui pi nai mo ngierei ly mymy i lu ai amthang hai leaung nai ne.

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

I KORINTH 13:1

Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

I KORINTH 13:3

Naibaly khumi kamawnchi ai pacho ai nai kai i yhmtheaung bawibawi pei iy, kai i tlang ai py kang ai nai ka-pei iy py, kai ly tamen naira by y pui baly kai i vui ati sai py kamran by y leang.

I KORINTH 13:8

Tamen naira ly mana khala y py anawn y; na i py leu thui nairachi ly awm iy py anawn hai ai, leu athai y naichi ly awm iy py anawn ai, pany naira ly awm iy py anawn hai ai.

I KORINTH 14:29

Naibaly leu thui nai keungchi py leaung nyhrei mo, leaung thomrei mo thui u sy ly, khumi takhrachi ly hawi hai palai dawn u pasym sy.

I KORINTH 14:39

Hunaibaly amjo amnauchi awi, leu thui ai nai ly khri pa-rei ngai u, naibaly leu athai y nai thui nai py kam u moh;

I KORINTH 14:4

Leu athai y nai thui nai keung ly amy leaungrei ai akhaw hai nai teu, leu thui nai keung naini palau takhra kamkawm ai khaw hai nai ne.

I KORINTH 15:51

Khen cham, nangchi ai leu kathiu kang thui pi nai he; achi bawibawi ly i ngym y ai, na i py achi bawibawi ai ly kangkhym kangtem i baw tyn nai khala y ly kra y nai sala chy y, mei amsymrei ny y nai sala y my ang takhra hai bebe ai;

I KORINTH 16:22

Ami py Areng ai tamen y baly amsawi lawi nai awm sy.

I KORINTH 4:1

Ami my kaichi ai Krista i kalop sa nai keung hawi Tameuh i leu kathiu kry nai keung y palawn sy.

I KORINTH 7:19

Lengkhym takip nai ly ati sai py ny y leang; lengkhym takip y nai py ati sai py ny y leang; Tameuh i leu pei naichi patawm ai nai harei awm khyh.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

II KORINTH 12:11

Kai ly pathu nai bo he: na i py nangchi my kai ai sa hai nai teu; kai ai ly nangmychi my palo ai nai chy bo; ati mana nai mo nabaly kai ly ati sai py ny y nai teu i py, ati mo ra y py huni amtaw thau nai len keh naichi ai kapho y nai ny y leang.

KALATIA 5:16

Hunaibaly kai ly kang napi; Phailo y tako u, hunaibaly nangchi ly tlang i ngai phi teng y nai patawm u y ai.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

EPHESI 3:4

huni deaungkho y nangchi phain u baly kai i Krista i leu kathiu pany thai nai sai ly nangchi pany u pajau ai.

EPHESI 6:19

Naibaly Satang Kahawi leu kathiu ly vam parai naimy pany hai ai nai, kai i labeaung kapeaung iy leu ang thui hai thai ai nai hawi,

KOLOSA 1:26

Huni Tameuh i leu ly jangni jangkhawn i neng hawi deung kangthau awm nai dengdairei leu kathiu aheu nai ne; na i py vai ly mymy i khumi kachaichi teng y amteng hai bo.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I JOHAN 4:8

Tamen naira by y nai khumi ly Tameuh ai pany y; ati mana nai mo nabaly Tameuh ly tamen naira ne.