I KORINTH 13:1 - Khumi Common Language Bible

¹ Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

I KORINTH 13:1 ပူးပေါင်းရင်းမြစ်များ

SAM 150:5

Sa-rachi thip iy mymy ai palo u; raawi amsau nai sa-rachi thip iy, mymy ai palo u.

MATTHAI 25:45

Naibaly mymy ly nichi teng y, ‘Meitang khyp kang thui pi, hini khumi theang keh naichi theung y leaungrei i tlang tleaung y so u y nai ly kai i tlang tleaung y so u y nai ne, nanai pathang ai.

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

ROM AVANGCHI TENG Y PAWLA I CHA PA NAI 14:15

Nang ly atiti cha nai deaungkho y ngamjo ngamnau ai paleung mawn hai lawh baly, nang ly tamen naira y tako nai ny y leang bo. Nang i atiti cha nai deaungkho y Krista my ang dei pi nai khumi ai ly tamo hai moh.

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 12:16

Naibaly kano ly, “Kai ly mei ny y nai deaungkho y kai ly tlang y abawi nai ny y leang,” ti khyly, huna nai deaungkho y tlang y abawi y lawh nai ny y leang.

I KORINTH 12:8

Khumi leaungrei teng y ly Phailo i saho y cheng naira leu pei nai ne; khumi takhra teng y ly huni Phailo i saho y teang pany ai naira leu pei nai ne;

I KORINTH 13:8

Tamen naira ly mana khala y py anawn y; na i py leu thui nairachi ly awm iy py anawn hai ai, leu athai y naichi ly awm iy py anawn ai, pany naira ly awm iy py anawn hai ai.

I KORINTH 14:2

Leu athai y nai thui nai keung ly khumi teng y thui nai ny y i, Tameuh teng y thui nai teu; ati mana nai mo nabaly mymy i leu thui nai ly ami py pany thai y; na i py mymy ly phailo y ly leu kathiu thui nai ne.

I KORINTH 14:4

Leu athai y nai thui nai keung ly amy leaungrei ai akhaw hai nai teu, leu thui nai keung naini palau takhra kamkawm ai khaw hai nai ne.

I KORINTH 14:5

Naibaly nangchi bawibawi ly leu athai y nai thui ai nai kang ngai hai, na i py nangchi ly leu thui ai nai ipsaly kang ngai hai ra nai ne; palau takhra kamkawm ly khaw hai naira nga thai ai nai, thui pi pachai nai ny y baly leu thui nai keung ly leu athai y nai thui nai keung tleaung y tahm asang keh.

I KORINTH 8:1

Naibaly vai ly myn y atiti apathyp nai huni satang ly. Achi ly pany naira awm bawibawi, nanai apany. Pany naira my ly paleung len hai reng, na i py tamen naira my ly veang hai reng.

II KORINTH 12:4

naibaly mymy ly leu thui pajau y nai, khumi i thui ngau y nai saichi thai.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

I TIMOTHEI 1:5

Na i py huni parip lawh naira ly paleung kachai hawi, hawi nai hawi y nai pany naira kahawi hawi, ym naira tatang i dengdairei theu nai tamen naira py nga hai u thai ai nai parip nai ne:

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng:

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

AMTENG HAI NAI 14:2

Naibaly kani mang i dengdairei ati mo katyn, tui kamsau katyn kamta hawi, khri pa-rei kani pajyh nai katyn kamta kathai; naibaly kai i thai nai ly taro beu nai keungchi i mymychi i taro beu nai katyn kamta ne: