I KORINTH 12:8 - Khumi Common Language Bible

⁸ Khumi leaungrei teng y ly Phailo i saho y cheng naira leu pei nai ne; khumi takhra teng y ly huni Phailo i saho y teang pany ai naira leu pei nai ne;

I KORINTH 12:8 ပူးပေါင်းရင်းမြစ်များ

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

SAM 143:10

Nang ly kai i Tameuh ne; nang i kangai sa ai nai kai ai patiu pi kyh ba. Kai ai pahen parai naimy chymme naira lam patei kyh ba.

THEU NAI 31:3

Ni ly muku, tangka, kheupajachi ai khen hawi iy ka-pu sa kawp nai, vang kateng lengseaungchi kata iy palum kawp nai, dengkeaung mawi o-pangen kawp nai, napi nai huni kalopchi kawp katlen hai ai nai, kai ly ni teng y sa thai naira kapei nai ne.

LEU KACHENG 2:6

Cheng naira pei nai keung ly Areng ne. Cheng naira hawi pany thai naira ly mymy teng i dengdairei ang tym nai ne.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

AMTAW 6:3

Hunaibaly amjo amnauchi awi, nangchi theung y Phailo hawi cheng naira my kawi nai khumi, amyn kahawi cheichei leaung saryhreichi ai vawi u, nichi ai ly hini atiti chih ai nai keung y kaichi my khai ai;

ROM AVANGCHI TENG Y PAWLA I CHA PA NAI 15:14

Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 1:5

mymy ly ati cheaungkhang leu thui naira y hawi, pany naira cheaungkhangra y py nangchi ai ang nang hai nai ne;

I KORINTH 13:2

Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.

I KORINTH 13:8

Tamen naira ly mana khala y py anawn y; na i py leu thui nairachi ly awm iy py anawn hai ai, leu athai y naichi ly awm iy py anawn ai, pany naira ly awm iy py anawn hai ai.

I KORINTH 14:26

Amjo amnauchi awi, tumbaly mana sa ai mo? Nangchi ly achu u nai khala y ly leaung leaungrei ly palo nai khulym mo, leu patiu nai mo, amteng hai nai leu mo, leu athai y nai mo, thui pi pachai nai leu mo awm u bawibawi veng.

I KORINTH 14:6

Naibaly vai ly amjo amnauchi awi, kai ly leu athai y nai thui iy nangchi teng y kang jeu iy khyly, amteng hai naira mang y mo, pany naira mang y mo, leu thui naira mang y mo, patiu naira mang y mo, nangchi teng y kang thui pi y baly kai ly nangchi ai ati amran hai ai mo?

I KORINTH 2:11

Khumichi theung y khumi i satang ly khumi i phailo, mymy theung y awm naimy pany y baly ami pany ai mo? Hunai kamta khyp teang Tameuh i satang ly Tameuh i Phailo my ny y baly ami py pany y leang.

I KORINTH 2:16

Areng i paleung ai pany chum iy, mymy ai patiu pajau nai keung ly ami mo? Achi naini Krista i paleung apu nai ne.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II KORINTH 11:6

Kai ly leu thui naira y kaneng by y iy py, pany naira y ly kai ly hunai kamta ny y leang; ne, ati cheaungkhangra y huni ly khumi bawibawichi theung y nangmychi mang y kaichi my amteng hai bo.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 6:6

chai naira y py, pany naira y py, amnym naira y py, neaung hawi naira y py, Phailo Kachai y py, tamen tatangnaira y py,

II KORINTH 8:7

Hunaibaly nangchi ly ati cheaungkhangra y ym naira y py, leu thui kawp naira y py, pany naira y py, hawihai palai sa naira bawibawi y py, kaichi ai tamen naira y py nawi ra nawi ra nai kamta huni pahenra y py nawi ra nawi ra thai ai nai atho angjeng u.