I KORINTH 12:13 - Khumi Common Language Bible

¹³ Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

I KORINTH 12:13 ပူးပေါင်းရင်းမြစ်များ

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

JOELA 2:29

Huni neng khala kai ly kaimy i Phailo ai neampacho miseaungchi hawi, neampachy miseaungchi tlang tleaung y tym hai ai.

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

LUKA 3:16

“Kai ly nangchi ai tui hawi baptis kang sa nai teu; na i py kai tleaung y len keh nai leaungrei ang jeu ai, kai ly ni i phainai vui su ai nai py ataing y leang: ni my ly Phailo Kachai hawi mai hawi baptis ang sa pi ai mang.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

JOHAN 1:33

Kai ly mymy ai pany y, na i py tui y baptis sa ai nai kai ai pato nai keung ly kai teng y, ‘Phailo ly ami i tlang tleaung y kathiu iy chym nai nang niu nai ngierei ly, mymy kypkyp ly Phailo Kachai y baptis sa ai nai keung ne ai,’ ang napi.

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

AMTAW 1:5

Johan ly tui y baptis sa reng, na i py kani kra y nai sala y nangchi ly Phailo Kachai y baptisma nga u ai,” napi.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 3:29

Tameuh ly Judachi i Tameuh harei khyh a? Mymy ly Cheng Takhrachi i Tameuh py ny y a?

ROM AVANGCHI TENG Y PAWLA I CHA PA NAI 4:11

Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.

I KORINTH 10:2

naibaly nichi bawibawi ly khupanym y hawi pangli y py Mosi teng y baptisma nga u bebe;

KALATIA 3:23

Na i py ym naira tym y rai khala y, ym naira amteng ai nai vui ly kho hai iy, Reita i anui y achi ai ang typ nai ne chy bo.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

EPHESI 4:5

Areng harei, ym naira harei, baptisma harei,

EPHESI 5:26

tui y paju naira y hawi leu thui naira y py khai takhra iy chai hai thai ai nai hawi,

EPHESI 6:8

hunaibaly miseaung ne iy py miseaung ny y iy py, khumi leaung leaungrei mymy i atiti kahawi sa nai ngierei ly Areng teng i dengdairei nga teang ai, nanai pany u pajau.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;