I KORINTH 12:11 - Khumi Common Language Bible

¹¹ na i py huni bawibawi ai ly Phailo vanrei teang nai my ly khumi leaung leaungrei teng y mymy i ngai nai kamta bawibawi paji iy sa nai ne.

I KORINTH 12:11 ပူးပေါင်းရင်းမြစ်များ

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

MATTHAI 11:26

Ne, Ngaai awi! Hunai kamta sa ai nai nang ly hawi, nanai pany.

MATTHAI 20:15

Kaimy i teu ly kaimy ngaingai so ngau y a? Ti y baly kai ly hawi nai deaungkho y nang ly khen hawi y nai sai a?’ napi nai pathang.

JOHAN 3:27

Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

JOHAN 3:8

Ali ly ma mang y py ngaingai ra y theu, tyn ly nang thai, na i py ma mang i dengdairei theu nai mo, ma mang y aho nai mo, nanai nang pany y; Phailo i tapen nai ngierei ly hunai kamta ne teang, “napi.

JOHAN 5:21

Ampo my kadeichi ai pathau iy paheng nai kamta ly, Chapo py ni i ngai nai ngierei ai ly paheng teang.

ROM AVANGCHI TENG Y PAWLA I CHA PA NAI 12:6

Naibaly achi ai pahenra ang pei nai kamta achi ly sa thai naira takhra takhra awm bawibawi; leu thui ai nai tla baly achi i ym nai kamta hawi khyp nai ryrei thui u sina;

ROM AVANGCHI TENG Y PAWLA I CHA PA NAI 9:18

Hunaibaly Tameuh ly mymy i ngai nai ngierei ai ly pahen iy, mymy i ngai nai ngierei ai py paleung tang hai ai.

I KORINTH 12:18

Na i py vai ly Tameuh my mymy i ngai nai ngierei y kangprei ha harei ai ly tlang y khai bawibawi nai bo.

I KORINTH 12:4

Naibaly atiti sa thai naira pei nai takhra takhra awm; na i py Phailo ly vanrei khyh.

I KORINTH 12:6

Kalop sa nai sai py takhra takhra awm na i py khumi bawibawichi ai ati cheaungkhang sa hai na keung Tameuh ly vanrei khyh.

I KORINTH 7:17

Ati py ne sy, Areng ly khumi leaung leaungrei teng y paji bawibawi nai kamta hawi, Tameuh my khumi leaung leaungrei ai palau bawibawi nai kamta awm sy. Hunai kamta palau takhra kamkawm bawibawi y leu kapei reng.

I KORINTH 7:7

Na i py khumi bawibawi ly kaimy kamta khyp awm bebe i khyly kai i ngai nai ne. Ne mang ly khumi leaung leaungrei ly Tameuh teng i dengdairei atiti sa thai naira pei nai, leaungrei ly hinai kamta, leaungrei ly hunai kamta amy i nga nai awm bawibawi.

II KORINTH 10:13

Kaichi ly kaichi i jyh hawi khyp nai bo y ly amlyh y leang, na i py Tameuh my kaichi ai ka-peang ang pei nai jyh kamta ly amlyh ai, nangchi ai py kup rau ai nai pa-rei jyh ly.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 4:7

Na i py Krista i atiti pei nai ne nai kamta, pahenra ly achi leaung leaungrei teng y ang pei bawibawi nai ne.

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.